Монгол Улсын Ерөнхийлөгч У.Хүрэлсүхийн санаачилсан “Хүнсний хувьсгал” үндэсний хөдөлгөөний талаарх мэдээллийг олон нийтэд хүргэх ажилд МҮОНРТВ, өргөн нэвтрүүлгийн телевизүүд, арилжааны телевизүүд оролцож байна.
УИХ-аас батлан гаргасан Хүнсний хангамж, аюулгүй байдлыг хангах талаар авах арга хэмжээний тухай 36 дугаар тогтоолын хэрэгжүүлэх арга хэмжээний төлөвлөгөөнд Хоол, хүнсний зөв, зохистой, соёлтой хэрэглээний талаарх сургалт, сурталчилгаа, соён гэгээрүүлэх ажлыг зохион байгуулах, бүх телевиз, радиогийн хөтөлбөрт “Хүнсний аюулгүй байдлын цаг” нэвтрүүлгийг 7 хоног тутам тогтсон цагт явуулж ард иргэдийг хоол хүнсний зөв зохистой хэрэглээнд төлөвшүүлэх ажил тусгасан юм.
Энэ хүрээнд Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр өнөөдөр 36-р тогтоолыг хэрэгжүүлэгч хэвлэл мэдээллийг байгууллагын төлөөлөл Сүлд телевизтэй уулзалт хийлээ. Уулзалтаар тус телевизийн “Хүнсний хангамж, аюулгүй байдал” үндэсний хөдөлгөөний хүрээнд ард иргэдэд эрүүл хоол, хүнсний талаар ойлголт, мэдээллийг тогтмол хүргэх төлөвлөгөөний талаар санал, солилцлоо.
