Монгол Улсын Ерөнхийлөгчийн санаачилсан “Цагаан алт” хөдөлгөөнийг өрнүүлэх хүрээнд “Малын гаралтай түүхий эдийг боловсруулах үйлдвэрлэлийг дэмжих зарим арга хэмжээний тухай” Улсын Их Хурлын тогтоол эцэслэн батлагдлаа.

Уг тогтоолын хүрээнд мал аж ахуйн гаралтай түүхий эдийг боловсруулах байгальд ээлтэй үйлдвэрлэлийг хөгжүүлэх, түүхий эдийн боловсруулалтын түвшинг дээшлүүлэх, нэмүү өртөг шингэсэн бүтээгдэхүүний үйлдвэрлэл, экспортын хэмжээг нэмэгдүүлэх цогц арга хэмжээг хэрэгжүүлэхэд 2028 он хүртэл нийт 2.19 их наяд төгрөгийн санхүүжилт шаардлагатай ба 682.4 тэрбум төгрөгийг улсын төсвөөс, 1.51 их наяд төгрөгийн хөнгөлөлттэй зээлийг банкаар дамжуулан олгох юм.

Тогтоол хэрэгжсэнээр:

• Ноолуурын бүрэн боловсруулалт 20-40 хувь, үйлдвэрлэл 1,5 дахин, экспорт 1,7 дахин, ажлын байр 1,3 дахин өснө.
• Ноосны бүрэн боловсруулалт 25-55 хувь, үйлдвэрлэл 2,8 дахин, экспорт 1,5 дахин, ажлын байр 2,3 дахин нэмэгдэнэ.
• Арьс, ширний боловсруулалт 30-50 хувь, борлуулалт 2,1 дахин, экспорт 2,3 дахин, ажлын байр 1,7 дахин нэмэгдэх боломж бүрдэх юм.