Хүнсний бүтээгдэхүүн аюулгүй байдлын тухай хуулиар хүнсний сүлжээний бүх үе шатанд хүнсний түүхий эд, бүтээгдэхүүний аюулгүй байдлыг хангахтай холбогдсон харилцааг зохицуулдаг.
Хүн бүр аюулгүй, шим тэжээлтэй хүнсээр хангагдах эрхтэй тул та бүхэн Хүнсний бүтээгдэхүүний аюулгүй байдлыг хангах тухай хуульд нэмэлт өөрчлөлт оруулах саналаа идэвхитэй илгээвэл бидний хүнсний аюулгүй байдал бүрэн хангагдах боломжтой.
Хүнс, хөдөө аж ахуй, хөнгөн үйлдвэрийн сайдын эрхлэх асуудлын хүрээнд хамаарах хуулийн давхардал, хийдэл, зөрчлийг арилгах зорилгоор Хүнсний бүтээгдэхүүний аюулгүй байдлыг хангах тухай хуульд өөрчлөлт оруулах тухай, Мал, амьтны эрүүл мэндийн тухай хуульд нэмэлт, өөрчлөлт оруулах тухай, Тариалангийн тухай хуульд өөрчлөлт оруулах тухай болон бусад хуульд нэмэлт, өөрчлөлт оруулах тухай хуулийн төсөлд санал авч байна.
Иймд тус хуулиудад нэмэлт өөрчлөлт оруулах саналаа 2024 оны 06 сарын 20-ны өдрөөс 2024 оны 07 дугаар сарын 05-ны өдөр хүртэл хугацаанд Хүнс, хөдөө аж ахуй, хөнгөн үйлдвэрийн яамны албан ёсны майл хаяг болох tsolmonjargal@mofa.gov.mn хаягаар явуулж болно.
Хөрс эрүүл бол хүнс эрүүл – Хүнс эрүүл бол хүн эрүүл
