Манай улс 2023 онд 80.4 мянган тонн мах экспортод гаргаж, Монгол Улсаас булангийн орнууд руу халал аргаар бэлтгэсэн хонь, ямааны түүхий махны экспортлох тоо хэмжээ нэмэгдэх хандлагатай байгааг ХХААХҮЯ-аас мэдээлэв. Одоогоор салбарын яамтай 50 орчим аж ахуйн нэгж хонь, ямааны түүхий мах экспортлохоор бодлогын гэрээ байгуулаад байна. Махны экспорт дээр салбарын яамнаас малчдын хурганы мах боловсруулах үйл ажиллагааг дэмжин ажиллаж байна. Энэ ажлын хүрээнд хонины махны үнэ цэнийг нэмэгдүүлэх зорилгоор байгуулсан ААН, малчид, мэргэжилтнүүд болон бэлтгэн нийлүүлэгч зэрэг олон талын оролцогчдын түншлэлийн уулзалтыг зохион байгуулав. Хурганы махны боловсруулалт, экспортын чиглэлээр үйл ажиллагаа эрхэлж буй ААН-тэй хамтран ажиллах, малын бүртгэл, мөшгих тогтолцоо, мал эмнэлгийн хорио цээр, стандартын шаардлагыг хангуулахад төр, хувийн хэвшлийн түншлэлийн тусламжтайгаар хурганы махны үнэ цэнийн сүлжээг хөгжүүлэн үйлдвэрлэлийг нэмэгдүүлэхэд талууд хамтран ажиллана. Манай улс Иран улс руу хурганы мах экспортолж байна.