“Хүнсний хувьсгал” НҮТББ-ын Удирдах зөвлөлийн гишүүдийн Vll хуралдаан зохион байгуулагдлаа. Энэ удаагийн хуралдаанд ХХААХҮ-ийн сайд Ж.Энхбаяр, ХХААХҮЯ-ны Төрийн нарийн бичгийн дарга Т.Жамбалцэрэн болон бусад албаныхан оролцож, Засгийн газраас хүнс, хөдөө аж ахуйн салбарт хийгдэх бодлого, шийдвэрүүдийг танилцууллаа.
Хүнс, хөдөө аж ахуйн салбарын холбоодын нэгдэл, салбарын төлөөллүүд багтсан “Хүнсний хувьсгал” ТББ-ын удирдах зөвлөлийн гишүүд “Хүнсний хангамж, аюулгүй байдал” үндэсний хөдөлгөөнийг эрчимжүүлэх талаар санал хүсэлтээ салбарын сайдад илэрхийлж, мэдээлэл солилцлоо. Мөн “Хүнсний хувьсгал” ТББ-ын өнгөрсөн хугацаанд хийсэн төлөвлөгөөт ажлын тайлантай танилцсан юм.
