Монгол Улсын Ерөнхийлөгчийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд “Хүнсний хангамж, аюулгүй байдлыг хангах талаар авах зарим арга хэмжээний тухай” УИХ-ын 36 дугаар тогтоол 2022 онд батлагдсан. Уг тогтоолын хэрэгжилтийн явцыг үнэлэхээр ЕТГ-ын Хүнсний төсөл, хөтөлбөрийн албанаас Газар зохион байгуулалт геодези, зураг зүйн ерөнхий газарт ажиллалаа.
Газар зохион байгуулалт геодези, зураг зүйн ерөнхий газар нь УИХ-ын 36 дугаар тогтоолын хүрээнд 1 арга хэмжээг хэрэгжүүлэх, 2 арга хэмжээнд үндсэн чиг үүргийнхээ хүрээнд хамтран оролцохоор төлөвлөгдсөн бөгөөд одоогоор хэрэгжилт удаашралтай байгааг онцоллоо. Тодруулбал УИХ-ын 36 дугаар тогтоолд Тариалангийн газрыг 1.1 сая га-д хүргэх, усалгаатай тариаланг 200 мянган га-аар нэмэгдүүлэх гэж төлөвлөсөн ч бэлчээрийн газрыг тариалангийн газрын ангилалд шилжүүлэх хүсэлт ирэхгүй байгаагаас дээрх ажил удаашралтай байна гэв.
Тиймээс орон нутгийн засаг захиргааг УИХ-ын 36 дугаар тогтоолыг хэрэгжүүлэх чиглэлд татан оролцуулах шаардлагатайг санууллаа.