Жил бүрийн 10-р сарын 16 бол Дэлхийн хүнсний өдөр. 1945 оны энэ өдөр НҮБ-ын Хүнс, хөдөө аж ахуйн байгууллага (ХХААБ) байгуулагдсан тул Дэлхийн хүнсний өдөр болгон зарлаж сүүлийн 40 гаруй жилийн турш жил бүр дэлхий нийтээр тэмдэглэж байна. Хоол хүнс бол агаар, усны дараа орох хүний анхдагч хэрэгцээ бөгөөд хүн бүр хангалттай, зохистой хүнсээр хангагдах эрхтэй. Тэгвэл энэ жилийн “Дэлхийн хүнсний өдөр”-ийг “Хүнсээр хангагдах эрхийг илүү сайн сайхан амьдрал, ирээдүйн төлөө хангая” уриан дор зохион байгуулж байна.

Монгол Улсын Ерөнхийлөгч У.Хүрэлсүхийн санаачилгаар 19 нэр төрлийн хүнсний бүтээгдэхүүнээр дотоодын хэрэгцээгээ бүрэн хангах, цаашлаад экспортлогч улс болох зорилготой “Хүнсний хувьсал” үндэсний хөдөлгөөнийг эхлүүлсэн. Хөдөлгөөний хүрээнд Хүнс, хөдөө аж ахуйн салбарын мэргэжлийн холбоодын нэгдэл, “Хүнсний хувьсгал” ТББ байгуулагдсаны хоёр жилийн ой өнөөдөр тохиож байгаа юм. Өнгөрсөн хоёр жилийн хугацаанд “Хүнсний хувьсал” үндэсний хөдөлгөөн олон үр дүнд хүрч, шуурхай хэрэгжиж буй нь үйлдвэрлэгчдэд цаашид хамтран ажиллахад урам зориг өгч байна.

“Хүнсний хувьсгал”-ын үр дүнгээс дурдвал:

• “Хүнсний хувьсгал”-ын хүрээнд төр, хувийн хэвшил хамтран ажилласны үр дүнд 19 гол нэр төрлийн бүтээгдэхүүний дотоодын үйлдвэрлэл 2 хувиар нэмэгдсэн байна. 
• Хүнсний боловсруулах үйлдвэрлэлийн хүчин чадал 10 гаруй хувиар нэмэгджээ.
• Дүүргийн захирамжтай газарт А даалгавар өгдөг болж, хүнсний үйлдвэрлэлийн зориулалтаар баригдсан, өргөжүүлэн барьсан үл хөдлөхийн гэрчилгээг аваагүй аж ахуй нэгжүүдэл нэг удаа өршөөл үзүүлж гэрчилгээг шийдвэрлэсэн байна.
• Түүхий мах болон махан бүтээгдэхүүний экспортыг эрчимжүүлсэн байна.

Хүнсний хувьсал ТББ болон хүнсний салбарт ажилладаг нийт хамт олонд “Дэлхийн хүнсний өдөр”-ийн 44 дэх жилийн ой, “Хүнсний хувьсгал ТББ”-ын хоёр жилийн ойн баярын мэнд хүргэе!