Малын зах зээлийн дундаж үнийн 2024 оны 12 дугаар сарын мэдээллийг өмнөх оны мөн үеийнхтэй харьцуулахад:

• атны үнэ 1.5 сая төгрөг болж, 36.6 мянган төгрөгөөр,
• соёолон үрээний үнэ 1.2 сая төгрөг болж, 34.8 мянган төгрөгөөр,
• хязаалан гунан үхрийн үнэ 1.6 сая төгрөг болж, 105.6 мянган төгрөгөөр,
• эр хонины үнэ 242.0 мянган төгрөг болж, 28.5 мянган төгрөгөөр,
• эр ямааны үнэ 157.7 мянган төгрөг болж, 14.5 мянган төгрөгөөр нэмэгдсэн байна

Өмнөговь, Баян-Өлгий аймагт эр хонь хамгийн үнэтэй буюу 280 000 төгрөг, Хөвсгөл аймагт хамгийн хямд буюу 190 000 төгрөг байгаа аж.

Үхрийн 2 метрээс дээш урттай шир 10 000 төгрөг болжээ. Энэ нь 2023 оны мөн үеийнхээс 5000 төгрөгөөр нэмэгджээ.

Харин цагаан ноолуурын 1 кг-ын дундаж үнэ 105 000 төгрөг болжээ. Энэ нь 2023 оны мөн үеийнхээс 8000 төгрөгөөр илүү байна. Цагаан ноолуурын 1 кг-ын үнэ Дундговь, Говь-Алтай аймагт хамгийн их 120 000 мянган төгрөг, Булган аймагт хамгийн бага 80000 төгрөг байгаа аж.

Малын үнийн мэдээнд хүнсний болон ашиг шим, уналга, эдэлгээний зориулалтаар худалдан борлуулсан малын үнийг хамрууллаа. Харин шилмэл омгийн мах, сүүний чиглэлийн, хурдны морь зэрэг өндөр үнээр борлуулсан малын үнийг мэдээнд хамруулахгүй.

Хөдөө аж ахуйн бүтээгдэхүүний зах зээлийн дундаж үнийн судалгааг сар бүр, сум, дүүрэг, аймаг, нийслэлийн худалдааны цэгүүдээс авч нэгтгэн сарын дундаж үнийг арифметик дунджаар тооцно гэж Үндэсний статистикийн хорооноос тайлбарлажээ.

Эх сурвалж: Монцамэ агентлаг