Дархан арьс ширний цогцолборын төслийг 2018 онд эхлүүлж, цахилгааны шугам, цэвэрлэх байгууламж, гадна дулаан, цэвэр усны хангамж, технологийн уур үүсгэгч зэрэг дэд бүтцийн ажлууд хийгджээ. Хөгжлийн банкнаас зээл авч тус ажлыг эхүүлсэн ч 2021 оноос үйл ажиллагаа нь бүрэн зогсож, гүйцэтгэгчээр ажиллаж байсан орон нутгийн аж ахуй нэгж байгууллагууд хохирсон.
Үндэсний аудитын газрын дүгнэлтээр Дархан арьс ширний цоцгцолборын төслийн нийт төсөвт өртөг нь 86.2 тэрбум төгрөг үүнээс 40,8 тэрбум төгрөгийн ажил хийгдэж 47,4 хувийн гүйцэтгэлтэй ажилласан тухай өнгөрсөн онд хэлэлцсэн юм.
Иймд дахин аудит ажиллуулж гаргасан дүгнэлтийг үндэслэн тухайн үнийн дүнтэй хувийн хэвшил зөвшилцөж чадвал төр “Дархан арьс ширний цогцолбор”-ын дэд бүтцийг худалдан авч цаашид үйл ажиллагааг нь үргэлжлүүлэн ажиллах боломжтой.
Тэгвэл 2024 оны 12-р сарын 30-ны өдрийн Монгол Улсын Засгийн газрын тогтоолоор ”Дархан арьс ширний цогцолборын бүтээн байгуулалт” төрийн өмчит хязгаарлагдмал хариуцлагатай хувьцаат компанийн нэрийг ”Төвийн бүсийн хүнс, хөнгөн үйлдвэрлэл технологийн цогцолбор” төрийн өмчит хязгаарлагдмал хувьцаат компани болгон өөрчлөхийг Хүнс, хөдөө аж ахуй, хөнгөн үйлдвэрийн сайд Ж.Энхбаярт даалгалаа.
