Монгол Улсын Ерөнхийлөгч Ухнаагийн Хүрэлсүх Бүгд Найрамдах Турк Улсын Ерөнхийлөгч Режеп Тайип Эрдоаны урилгаар тус улсад төрийн айлчлал хийж байгаа билээ. Энэхүү айлчлалын хүрээнд Бизнес форум, бизнес тур аялал зохион байгуулагдаж Монголын 75 байгуулагын 100 гаруй баялаг бүтээгчид оролцож байна . Бизнес группыг Ерөнхийлөгчийн тамгын газраас Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр ахлан ажиллаж байна.
Турк-Монголын хөрөнгө оруулалтын форум хүрээнд 15-20 тэрбум төгрөгийн гэрээ хэлцэл байгуулж байгаа юм. Дашрамд дурдахад, хоёр улсын худалдааны эргэлт 2024 оны байдлаар 115.4 сая ам.долларт хүрсэн бөгөөд үүний Туркийн тал 97, Монгол 3.0 хувийг эзэлж байна.
Форумаар МҮХАҮТ болон БНТУ-ын Гадаад харилцааны байгууллага /DEIK/-тэй харилцан ойлголцлын санамж бичиг шинэчлэн байгуулсан бол манай улсын “Мон торгон дэл” ХХК Туркийн талтай хамтын ажиллагааны хэлэлцээр амжилттай хийлээ. Цаашид харилцааны түвшнийг ахиулан үр дүнтэй хамтран ажиллахаа талууд илэрхийллээ.
Үргэлжлүүлэн хоёр талын бизнес эрхлэгчдийн В2В уулзалт зохион байгуулагдана.
