Монгол Улсын Ерөнхийлөгч Ухнаагийн Хүрэлсүх “Тэрбум мод”, “Эрүүл монгол хүн”, “Хүнсний хангамж, аюулгүй байдал” гэсэн гурван том үндэсний хөдөлгөөнийг орон даяар эхлүүлээд байна. Энэ хүрээнд олон хууль эрх зүйн таатай боломжууд бий болж байгаагийн нэг нь УИХ-аас баталсан Хүнсний хангамж, аюулгүй байдлыг хангах талаар авах зарим арга хэмжээний тухай 36-р тогтоол юм. Тус тогтоолыг төрийн байгууллага, хувийн хэвшил, олон улсын байгууллагуудын хамтын ажиллагааны хүрээнд хэрэгжүүлэх төлөвлөгөөтэй байна.

Тэгвэл Ерөнхийлөгчийн Тамгын газрын Хүнсний төсөл хөтөлбөр хариуцсан ажлын алба Японы Олон Улсын Хамтын Ажиллагааны байгууллага /ЖАЙКА/-ын Монгол дахь төлөөлөгчийн газрын төлөөллүүдтэй уулзлаа.

Тус уулзалтад Японы Олон Улсын Хамтын Ажиллагааны байгууллага /ЖАЙКА/-ын Монгол дахь төлөөлөгчийн газрыг төлөөлөн:

• Японы Олон Улсын Хамтын Ажиллагааны байгууллага /ЖАЙКА/-ын Монгол дахь төлөөлөгчийн газрын дарга Танака Шиничи
• Японы Олон Улсын Хамтын Ажиллагааны байгууллага /ЖАЙКА/-ын Монгол дахь төлөөлөгчийн газрын Суурин төлөөлөгч Накамүра Кэйго
• Японы Олон Улсын Хамтын Ажиллагааны байгууллага /ЖАЙКА/-ын Монгол дахь төлөөлөгчийн газрын Хөтөлбөрийн ажилтан Ө.Жавхлан

Хүнсний төсөл, хөтөлбөр хариуцсан албыг төлөөлөн:

• Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр
• Хүнсний төсөл, хөтөлбөр хариуцсан албаны референт О.Дамдиндулам
• Хүнсний төсөл, хөтөлбөр хариуцсан ажлын албаны Гадаад харилцааны мэргэжилтэн Р.Будмаа
• Хүнсний төсөл, хөтөлбөр хариуцсан албаны хэвлэлийн ажилтан Б.Урантуяа нар оролцлоо.

Японы Олон Улсын Хамтын Ажиллагааны байгууллага /ЖАЙКА/ нь хүнсний аюулгүй байдал, чанартай өсөлт хөгжлийг ханган ажиллах эрхэм зорилготой бөгөөд манай улсад олон чанартай төсөл хөтөлбөрүүд хэрэгжүүлдгээрээ онцлог. Цаашид цар тахлын улмаас уналтад ороод буй аялал жуулчлал, хувийн хэвшлийн салбаруудад түлхүү дэмжлэг үзүүлэхээр төлөвлөжээ. Өөрөөр хэлбэл Монгол Улсад хэрэгжүүлж буй төсөл, хөтөлбөрүүдийнхээ цар хүрээг нэмэгдүүлэхээр ажиллаж байгаа юм.

Мөн Монгол Улсын Ерөнхийлөгчийн санаачилсан “Хүнсний хангамж-аюулгүй байдал” үндэсний хөдөлгөөнтэй уялдах хөдөө аж ахуйн хэд хэдэн төсөл хөтөлбөрийг хэрэгжүүлж байна. Тодруулбал

• Малын эмч нарын практик ур чадварыг нэмэгдүүлэх төсөл,
• Зөгийн аж ахуйг дэмжих замаар орон нутгийн иргэдийн орлогыг нэмэгдүүлэх төсөл,
• Хөдөө аж ахуйн салбарыг тасралтгүй дэмжих төсөл,
• Сүүний ферм байгуулах буюу гэрээт байгууллагын тогтолцоог монголд нутагшуулах төсөл

Арьс ширний брэнд хөгжүүлэх гэх мэт нийт 9 төсөл хэрэгжүүлж байна. Эдгээр төслүүдээ удахгүй болох “Намрын ногоон өдрүүд” арга хэмжээнд танилцуулахаар бэлдэж байна гэлээ.