Зуны улирал айлчлан ирж байгаа үед хүмүүс өвөл, хаврын туршид алдагдсан эрч хүчээ сэргээхийн тулд бүх зүйл бэлэн амралтын газар, зочид буудалд амрах хүсэлтэй байдаг билээ. Гэвч энэ нь тийм ч зөв сонголт биш болохыг аяллын мэргэжилтнүүд хэлж байна. Яагаад гэвэл?…

1. Урдчилан бэлтгэсэн хоол буюу Буфет хоолны сул тал

Аяллын мэргэжилтнүүдийн хэлж байгаагаар хамгийн тансаг зочид буудлын хоолонд ч та аяллаар явж байх үедээ хордлогод орох магадлалтай гэнэ. Үүний үндсэн шалтгаан нь та юу идэж байгаагаа төдийлөн анзаарахгүй байгаад оршино.

Хүнсний бүтээгдэхүүнээс гадна буфет хоолонд хэрэглэдэг нийтийн гал тогооны хэрэгсэл нь таны эрүүл мэндэд хор учруулах эрсдэлтэй. Учир нь тухайн гал тогооны хэрэгслийг хүн бүр барих бөгөөд олон хүн барьсан зүйлээс та хэд дахин өсөх нянгийн халдвар авах магадлалтай. Үүнээс гадна халуун орчин, муу агааржуулалт, хувь хүний хувийн ариун цэврийн хангалтгүй байдал зэрэг нь таныг хоолны хордлогод оруулна.

2. Тэгвэл ямар төрлийн хоолыг нь анхаарч идэх вэ?

• Урьдчилж хэрчсэн жимс, ногооны салат – мэдээж, энэ нь эрүүл хоол мэт харагдаж байгаа ч хэрвээ эдгээр бүтээгдэхүүнийг асуудалтай усанд угаасан бол гэдэсний савханцар болон бусад төрлийн нянгийн эх үүсвэр болох магадлалтай.
• Агшаасан будаа болон гоймон – тухайн бүтээгдэхүүн өрөөний температурт удаан хугацааны туршид байсан бол бактери хуримтлагдах таатай нөхцөлийг бүрдүүлнэ.
• Хүйтэн мах болон зөөлөн бяслаг -хэрвээ эдгээр бүтээгдэхүүн нь халуун өрөөнд байгаа бол сальмонелла болон листериагийн халдвараар өвдөх магадлал өндөр.
• “Халуун” сүмс – хэрвээ халуун хадгалдаг савны даралт нь байх ёстой хэмжээнээсээ хэдэн градусаар л буувал нян бактери асар хурдтайгаар нэмэгдэнэ.
• Кремтэй амттан – хэдийгээр харахад аюулгүй мэт байх ч энэ төрлийн бүтээгдэхүүн халуун үед хэдхэн цагийн дотор л муудна.

3. Шинэ болон шууд хийж өгөх хоол сонго

Аялал гэдэг аз жаргалтай дурсамжийг бүтээхэд зориулагдсан зүйл болохоос биш эмийн сангийн талаар дурсамж биш юм. Тиймээс хэчнээн “бүх зүйл багтсан” гэх аялал таны анхаарлыг татаж байсан ч болгоомжтой байхад илүүдэхгүй. Заримдаа амттай бялууг тойрч өнгөрсөн нь таны аялалд ээлтэй байх болно.

Тэгвэл юу идэх юм бэ гэж үү?

Хариулт нь маш энгийн. Аль болох шинээр бэлтгэсэн бүтээгдэхүүнийг идэхийг эрмэлз. Үүнээс гадна буфет хоолондоо бусдаас эрт орж байгаарай. Энэ тохиолдолд та шинэхэн хоолноос идэх боломжтой болно.