Эдийн засгийн гол үзүүлэлтийн нэг хэрэглээний бараа үйлчилгээний индекс буюу инфляц Улаанбаатар хотод тавдугаар сард 9.4 хувь болж өсөлтийн хурдац өмнөх оны мөн үеэс 4.7 нэгж хувиар өслөө.
Өнгөрсөн оны тавдугаар сард инфляц 4.7 хувьтай гарч төвбанкны зорилтод түвшинд хүрч байсан бол энэ жил зорилтот түвшнээс даваад байна. Үүнд бензин, түлшнээс бусад импортын барааны үнэ 2.5 нэгж буюу 26.2 хувь, мах, хатуу түлшнээс бусад дотоодын барааны үнэ 6.2 нэгж буюу 65.8 хувиар тус тус нөлөөлсөн болохын Үндэсний статистикийн хороо мэдээлэв.
Хүн амынх нь 50 гаруй хувь амьдарч буй нийслэлд хөдөлмөрийн идэвхтэй насны иргэдийн дунд энэ оны хоёрдугаар улирлын эцэст инфляц 9.2 хувь, ирэх оны нэгдүгээр улирлын эцэст 12.1 хувьд хүрэх хүлээлттэй байна. Монголбанк өнгөрсөн дөрөвдүгээр сарын 02-15-ны өдрүүдэд Иргэдийн инфляцын хүлээлтийн түүвэр судалгаа”-ны мэдээллийг авч 26-55 насны 1000 гаруй иргэнийг хамруулсан түүвэр судалгаагаар ийм дүн гарч байв. Төвбанкны зүгээс энэ онд инфляцыг 5 хувьд хүрэхээр тооцож байсан ч дээд хязгаараас давсан тул төсөөлөл өөрчлөгдөж +-2 нэгж хувийн интервалтай, 6 хувь орчимд, 2027 оноос 5 хувь орчимд тогтворжуулах зорилт тавиад байгаа юм.
эх сурвалж: https://ubn.mn/p/85539
