Монгол Улсын Ерөнхийлөгч Ухнаагийн Хүрэлсүхийн Бүгд Найрамдах Тажикистан Улсад хийж буй төрийн айлчлал үргэлжилж байна.

Айлчлалын хүрээнд Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, Ерөнхийлөгчийн Төсөл хөтөлбөрийн зохицуулалт, иргэний нийгмийн бодлогын зөвлөх Б.Жавхлан, МҮХАҮТ-ын Ерөнхийлөгч Б.Лхагважав болон бизнес эрхлэгчдийн төлөөллүүд Бүгд Найрамдах Тажикистан Улсын “Сифат Саноат” оёдлын үйлдвэрийн үйл ажиллагаатай танилцлаа.

“Сифат Саноат” үйлдвэр орчин үеийн технологид суурилсан, бүс нутгийн хэмжээнд нөлөө бүхий оёмол хувцасны үйлдвэр юм. 2017 онд үйл ажиллагаагаа эхлүүлсэн тус үйлдвэр орчин үеийн оёдлын үйлдвэрлэлд ашигладаг бүх төрлийн техник, машин, багаж хэрэгсэл болон мэргэжлийн ажиллах хүчинтэй.

2022 онд Туркийн “Dundariar” компанитай хамтын ажиллагааны дэмжлэгтэйгээр томоохон хөтөлбөрүүд хэрэгжүүлэх тухай санамж бичигт гарын үсэг зурсан. Уг хамтын ажиллагаа нь технологи дамжуулалт, инновац нэмэгдүүлэхэд чиглэгдсэн юм. 100 орчим эмэгтэй ажилтантай бөгөөд залуу мэргэжилтнүүдийг сургалтанд хамруулан мэргэжил дээшлүүлдэг ажээ. Коронавирусын цар тахлын үед “Сифат Саноат” нь халдвар хамгааллын хувцас, эмнэлгийн хамгаалалтын хэрэгсэл үйлдвэрлэж, эрүүл мэндийн тусламжийн салбарыг дэмжиж ажилласан байна.

“Сифат Саноат” нь:

• Хөнгөн үйлдвэрлэл, швей үйлдвэрлэлийн салбарт дотоодын хамгийн нэр хүндтэй, тэргүүлэгч үйлдвэрүүдийн нэг.
• Медицин, үйлчилгээ, хоол үйлдвэрлэлийн зориулалттай хамгаалалтын хувцасны үйлдвэрлэл нь хэрэглээний уналт багатай, эрэлт их тул эдийн засгийн өсөлттэй үйлдвэр юм.
• Жилд дунджаар 10 сая сомонийн бүтээгдэхүүн үйлдвэрлэдэг.
• Teredo, Satori, TC зэрэг материалаар бүтээгдэхүүнээ үйлдвэрлэдэг бөгөөд ус нэвтрүүлдэггүй, нэгэн зэрэг удаан эдэлгээтэй, зөөлөн байх зориулалттай тусгай даавуу юм.
• TC материал нь ихэвчлэн 50% хөвөн, 50% полиэстр холимог бөгөөд усны хамгаалалттай цаашлаад чийг шингээхгүй байх чадвартай.