Үйлдвэрлэл эрхлэгчдийн хүсэн хүлээдэг “Өвөрхангай түншлэл-2025” намрын үзэсгэлэн худалдаа энэ сарын 19-21-ний өдрүүдэд боллоо.
Үзэсгэлэн худалдаанд Өвөрхангай аймгийн 17 сумаас болон Дархан-Уул, Сэлэнгэ аймаг, Улаанбаатар хотын 100 гаруй бизнес эрхлэгч, өрхийн үйлдвэрлэгчид оролцон 90 орчим нэр төрлийн бүтээгдэхүүнийг худалдан борлуулж, 120.8 сая төгрөгийн борлуулалт хийжээ.
Ялангуяа, нутаг орондоо үйлдвэрлэсэн хүнсний брэнд бүтээгдэхүүнээр хэрэглэгчдэдээ бэлэг барьж, үнийн хувьд ч харьцангүй хямд байсан нь энэ жилийн үзэсгэлэн худалдааны онцлог байлаа. Тухайлбал, Богдын ямааны ааруул, Төгрөгийн Мазарын даршилсан ногоонууд, гоёоны архи, Баруунбаян-Улааны тарвас, улаан лооль, Бат-Өлзийн зөгийн бал, Есөнзүйлийн улсын брэнд айраг, монгол архи гэхчлэн олон зүйлийг дурдаж болно.
Мөн гар урлаачид нутгийн онцлогийг харуулсан төрөл бүрийн бэлэг дурсгалын зүйлийг урлаж дэлгэсэн бол бизнес эрхлэлт, санхүү зээл, гоо сайхан, эрүүл мэндийн бүтээгдэхүүний зөвлөгөө, мэдээллийг өгч буй аж ахуйн нэгжүүд олон байв.
“Өвөрхангай түншлэл” үзэсгэлэн худалдааг аймгийн ЗДТГ, ХХААГ, ХАҮТ-аас 24 дэх жилдээ зохион байгуулж, орон нутагт үйлдвэрлэсэн бараа бүтээгдэхүүнийг сурталчлах, үйлдвэрлэл, худалдан авалтыг нэмэгдүүлж, зах зээлийг өргөтгөхөд дэмжлэг үзүүлж байна.
Эх сурвалж: Монцамэ агентлаг
Superrush is a great way to unwind! It’s worth a try with so many possibilities to win. This is really a top game. Stop reading and start playing superrush
Alright, I gave plataforma777game a shot and not gonna lie, it was pretty decent. Easy to navigate, ya know? I found some games I actually enjoyed. Check it out at plataforma777game