Сэр-Одын Ганхуяг нь Хүнс, хөнгөн үйлдвэрийн салбарт 30 гаруй жил тогтвортой, олон жил үр бүтээлтэй ажиллаж, өөрийн эзэмшсэн мэргэжил, ур чадвар, дадлага туршлагаа үндэсний үйлдвэрлэлийг дэмжих болон хүнс, хөнгөн үйлдвэрийн салбарын хөгжүүлэхэд ихээхэн хувь нэмрээ оруулсаар байна.
С.Ганхуяг нь “Цэц Зам Пласт” ХХК-ийг анх байгуулагдахад 2012 оноос эхлэн тасралтгүй Гүйцэтгэх захирлаар 13 дахь жилдээ ажиллаж байгаа бөгөөд хуванцар бэлдцийн үйлдвэрийн тоног төхөөрөмжийг ашиглалтад оруулах, үйлдвэрлэлийн инновац, гадаадын шинэ дэвшилтэт технологийг нутагшуулах, улмаар хөдөлмөрийн зах зээлд олон арван ажлын байрыг бий болгож, хамт олныг манлайлагч шилдэг удирдагч юм.
Монгол улсын Хүнс , хөнгөн аж үйлдвэрийн салбарт анх удаа Итали улсын бүрэн автомажсан тоног төхөөрөмжийг үйлдвэрлэлд нэвтрүүлэн шинэ технологи, шинэ бүтээгдэхүүн эх орондоо үйлдвэрлэн амжилттай ажиллаж байна.
Тэрээр үйлдвэрийн технологийг боловсруулах, бүтээгдэхүүний технологийн картыг шинээр хийж, байгууллагын стандарт болон техник тоног төхөөрөмжийн зааврыг шинээр боловсруулах ажлыг хийж гүйцэтгэхэд манлайлан биечлэн оролцсон. Шинэ технологи , шинэ хөрөнгө оруулалт хийх, олон улсын ISO 9001:2015, ISO22000:2018 стандартуудыг амжилттай нэвтрүүлж, үйлдвэрлэлийн үр ашгийг нэмэгдүүлэн ажиллаж байна.
Түүнчлэн үйлдвэрлэлд сэргээгдэх эрчим хүч ашиглах зорилгоор өөрийн компанид тохирсон шаардлага бүхий нарны хавтан болон энерги хураагууртай цахилгаан үүсгүүрийн системийг нэвтрүүлж, суурилуулсан.
