Б.Гантулга нь 2003 онд ОХУ-д Г.В.Плехановын нэрэмжит эдийн засагч мэргэжлээр төгссөн, Банк санхүү, Гадаад худалдаа, Уул Уурхай, Үйлдвэрлэл, Хөдөө Аж Ахуй, Фин-тек, Хөрөнгийн зах зээлийн 21 жилийн туршлагатай. Бизнес хөгжил, төслийн удирдлага, маркетинг, худалдаа, олон нийтийн харилцаа, бизнесийн удирдлагын чиглэлээр ажиллаж байсан, одоогоор “Сүү” Хувьцаат Компанийн Гүйцэтгэх захирлаар томилогдон ажиллаж байна.
Бизнесийн салбарт 21 жил ажиллахдаа тэрээр мэргэжлийн ур чадваруудаа дээшлүүлэхээс гадна харилцаа, хамтын ажиллагаа, хэлэлцээр хийх, асуудлыг шийдэх, шийдвэр гаргах зэрэг удирдлага хүнд байх өндөр ур чадваруудыг эзэмшиж ажлын талбарт хэрэгжүүлэн ажиллаж байна.
Залуу удирдагчийн хувьд өөрийн хийж гүйцэтгэсэн гол ажлуудаас дурьдвал 2004-2009 онуудад Хасбанкны Маркетингийн газрын захирлаар ажиллаж байх хугацаандаа Avaya систем дээр суурилагдсан 24 цагийн харилцагчийн үйлчилгээ, 1888 мэдээллийн утсыг Монгол Улсын Банк, санхүүгийн салбарт анхдагч болон нэвтрүүлсэн. Мөн MasterCard болон Visa Card үйлчилгээг биечлэн нэвтрүүлж эхний жилдээ 20,000 зээлийн карт эзэмшигчтэй болж чадсанаараа Монгол улсдаа хамгийн өндөр өсөлтийг үзүүлж чадсан.
2019 онд 1 жилийн хугацаанд 120 гаран компаниудад хөрөнгийн зах зээлд IPO талаар сургалт хийж, олон нийтэд нээлттэй хувьцаа санал болгох ажлыг удирдан зохион байгуулсан. Мөн тэтгэврийн шинэчлэлийн ажлыг манлайлан удирдаж УИХ, ХНХЯ-ны ажлын хэсэгт орж хуулийн төсөл өргөн бариулсан, Монголын хөрөнгийн бирж дээр 20 тэрбум төгрөгийн бондыг амжилттай босгосон зэрэг ажлуудыг өөрийн олж авсан мэдлэг туршлага дээр үндэслэн амжилттай хэрэгжүүлсэн.
“Сүү” Хувьцаат Компанийн хувьд 2014 – 2018 оны хооронд Гүйцэтгэх захирлаар ажиллахдаа Монголын хөрөнгийн бирж дээр компанийн үнэлгээг 2,8 дахин нэмэгдүүлсэн төдийгүй ашигт ажиллагааг богино хугацаанд 2,4 дахин нэмэгдүүлсэн мөн Сэлэнгэ аймагт 800 га газартай, усжуулсан системтэй, сүүний 300 үнээний эрчимжсэн фермийг бүрэн ашиглалтанд оруулсан.
2019-2023 он хүртэл Банк санхүү, хөрөнгийн зах зээлийн салбарт мэдлэг туршлагаа хуримтлуулж 2023 оноос эхлэн Сүү Хувьцаат Компанийн Гүйцэтгэх захирлын албан тушаалдаа эргэн томилогдож, тэрбээр 2025 онд Сүү-2 бондыг зах зээлд амжилттай гаргаж 5 тэрбумын хөрөнгө оруулалтыг татаж чадсан. Мөн шинэ үйлдвэрийн Сүү 2.0 төслийг амжилттай хэрэгжүүлж ашиглалтанд оруулахаар томоохон төсөл хөтөлбөрүүдийг хэрэгжүүлэн ажиллаж байна.
