Аймгийн хэмжээнд хаврын тариалалт төлөвлөгөөний дагуу 71 хувийн гүйцэтгэлтэй үргэлжилж байна. Одоогийн байдлаар улаанбуудай 6144 га-д, бусад үр тариа 300 га-д, эмийн ургамал 6400 га-д, тосны ургамал 5764 га-д, төмс 56.2 га-д, хүнсний ногоо 26.1 га-д, жимс 116 га-д буюу нийт 18,806 га талбайд тариалалт хийгээд байна.
Үр тарианы тариалалтад 36 иргэн, аж ахуйн нэгж оролцож байгаа бол төмс, хүнсний ногооны үйлдвэрлэлд 1200 гаруй иргэн ажиллаж байгааг ХХААГ-аас мэдээллээ.
Мөн үр тарианы үйлдвэрлэлийн хэрэгцээнд зориулан өнгөрсөн оны ургац болон зах зээлээс нийт 1200 тонн үрийн буудай, 235 тонн хошуу будаа, 270 тонн арвай, 125 тонн тосны ургамлын үр, 71 тонн малын тэжээлийн үрийн нөөц бүрдүүлжээ.
Аймгийн хэмжээнд энэ онд 26.4 мянган га талбайд тариалалт хийхээр төлөвлөсөн байна. Тодруулбал, 17.1 мянган га-д үр тариа, 4.1 мянган га-д малын тэжээлийн ургамал, 4.6 мянган га-д тосны ургамал тариалах бол төмс 179.3 га, хүнсний ногоо 220 га, жимс, жимсгэнэ 116 га талбайг тус тус эзлэх юм. Түүнчлэн 20.6 мянган га талбайд уриншийн боловсруулалт хийхээр төлөвлөжээ.
