Хөвсгөл аймгийн Галт суманд 1.5 га талбайд хушин ойг сэргээж, хамгаалах зорилгоор байгалийн сэргэн ургалтад дэмжлэг үзүүлэх ажил хэрэгжүүлжээ.
Тус ажлыг аймгийн ИТХ-ын 91 дүгээр тогтоолоор баталсан Байгаль орчныг хамгаалах, нөхөн сэргээх арга хэмжээний хүрээнд нийт 37 сая төгрөгийн төсөвт өртгөөр “Ойн цэцэрлэг” компани гүйцэтгэж байна.
Төслийн хүрээнд мал, амьтан болон гаднын нөлөөллөөс хамгаалах зорилгоор 1.5 га талбайг хашаалж, 3–4 настай, стандартын шаардлага хангасан 1500 ширхэг хуш модны бортоготой тарьцыг суулгасан байна. Цаашид баталгаат хугацаанд усалгаа, арчилгаа, хамгаалалт болон нөхөн тарилтыг бүрэн хариуцан гүйцэтгэх юм.
Хушин ой нь ойн экосистемийн чухал бүрэлдэхүүн бөгөөд ус, хөрсийг хамгаалахын зэрэгцээ олон төрлийн амьтан, шувууны амьдрах орчин, тэжээлийн нөөц болдог. Мөн гол мөрний эх, усны ундаргыг хамгаалж, усны урсцыг зохицуулах, хөрсний элэгдэл, эвдрэлийг бууруулах, нүүрстөрөгчийг шингээх, хүчилтөрөгч ялгаруулах зэрэг байгаль орчны чухал үүрэгтэй.
Мөн уур амьсгалыг зөөлрүүлэх, амьтан ургамлын амьдрах орчныг бүрдүүлэх зэргээр экосистемийн тэнцвэрт байдлыг хангахын зэрэгцээ үйлдвэрийн түүхий эдийн нэг чухал нөөц болж байдаг тул экологи, нийгэм, эдийн засгийн олон талын ач холбогдолтой.
Түүнчлэн уур амьсгалыг зөөлрүүлэх, биологийн олон янз байдлыг хадгалах, экосистемийн тэнцвэрийг хангахад чухал хувь нэмэр оруулдаг бөгөөд ойн бүтээгдэхүүнээр дамжуулан эдийн засгийн тодорхой нөөц болдог. Ийнхүү хушин ой нь байгаль экологийн төдийгүй нийгэм, эдийн засгийн олон талын ач холбогдолтой экосистем болохыг мэргэжилтнүүд онцолж байна.
Эх сурвалж: Монцамэ агентлаг
