Хүнс, хөдөө аж ахуй, хөнгөн үйлдвэрийн яамны Салбарын улсын ерөнхий байцаагчийн 2026 оны 06 дугаар сарын 02-ны өдрийн 08-00-02/27 тоот “Төлөвлөгөөт бус хяналт шалгалт хийх тухай” удирдамжийн хүрээнд Нарийнтээл, Уянга, Бүрд сумдын хүнсний үйлдвэр, худалдаа, хоол үйлдвэрлэлийн чиглэлээр үйл ажиллагаа эрхэлдэг нийт 48 аж ахуйн нэгж, иргэнийг хамруулан хяналт шалгалт зохион байгууллаа.
Хяналт шалгалтаар Хүнсний тухай хууль, Хүнсний бүтээгдэхүүний аюулгүй байдлыг хангах тухай хууль, Баяжуулсан хүнсний тухай хууль болон холбогдох дүрэм, журам, стандартын хэрэгжилтийг шалгаж, эрсдэлийг үнэлэн, хүнсний аюулгүй байдлын болзошгүй эрсдэлээс урьдчилан сэргийлэх чиглэлээр мэргэжил, арга зүйн зөвлөгөө өгч ажиллав.
Шалгалтаар 8 аж ахуйн нэгжийн 10 нэр төрлийн, нийт 565 ширхэг 2,286,525 төгрөгийн үнэ бүхий хадгалах болон хэрэглэх хугацаа дууссан хүнсний бүтээгдэхүүнийг илрүүлж, аж ахуйн нэгжүүдийн дотоод хяналтын хүрээнд устгууллаа. Хяналт шалгалт үргэлжилж байна.
Хүнсний аюулгүй байдал – Бидний хамтын хариуцлага.
Эх сурвалж: Өвөрхангай аймгийн Хүнс, хөдөө аж ахуйн газар
