Монгол Улсын Засгийн газрын 2025 оны 47 дугаар тогтоолоор баталсан “Атрын-IV тариалангийн тогтвортой хөгжлийн аян”-ыг хэрэгжүүлэх, ажлын төлөвлөгөөг эрчимжүүлэх, 2026 оны тариалалтыг технологийн хугацаанд үр дүнтэй зохион байгуулах чиглэлээр аймгуудад үүрэг чиглэл өгч, хэрэгжүүлж байна.
Өнөөдрийн байдлаар 315.7 мянган га-д улаанбуудай, 12.5 мянган га-д төмс, 11.8 мянган га-д хүнсний ногоо, 54.9 мянган га-д малын тэжээл, 89.2 мянган га-д тосны ургамал, нийт 530.4 мянган га-д тариалалт хийсэн байна.
Өнгөрсөн оны мөн үеийнхтэй харьцуулахад улаанбуудай тариалалт 59.7 мянган га-аар буюу 18.9 хувиар, хүнсний ногоо 2.4 мянган га-аар буюу 20.6 хувиар, малын тэжээл 20.8 мянган га-аар буюу 37.8 хувиар өссөн үзүүлэлттэй. Харин бусад үр тариа 13.5 мянган га-аар буюу 29.3 хувиар, төмсний тариалалт 518.2 га-аар буюу 4.1 хувиар, тосны ургамал 37.2 мянган га-аар буюу 41.7 хувиар буурсан байна. Улаанбуудай, төмсний тариалалт бүрэн дууссан бол малын тэжээл, хүнсний ногооны тариалалт долоодугаар сарын 10-ныг хүртэл үргэлжлэх төлөвтэй байгааг салбар яамнаас мэдээлэв.
ХХААХҮЯ-наас тариалалтын чанарыг соёололтоор хүлээн авах ажлыг 13 аймгийн 79 сумын 943 аж ахуйн нэгж, иргэдийн 318.9 мянган га үр тарианы талбайг хамруулан хийжээ. Улмаар нийт тариалсан талбайн 74.5 хувь буюу 237.7 мянган га талбай хээрийн соёололтоор онц, сайн үнэлгээтэй гарсан байна.
Эх сурвалж: Монцамэ агентлаг
