Говь фестиваль-2026” энэ сарын 25, 26-нд Даланзадгад суманд 22 дахь удаагаа болно.
Орон нутгийн үйлдвэрлэгч, малчин, тариаланч, гар урчуудын бүтээгдэхүүнийг хэрэглэгчдэд таниулах, борлуулалтыг нэмэгдүүлэх зорилготой тус фестивалийг жил бүр зохион байгуулж байна.
Фестивалийн үеэр орон нутгийн үйлдвэрлэгч, тариаланч, малчид, гар урчуудын бүтээгдэхүүн, шинэ ургацын ногооны үзэсгэлэн худалдаа гаргаж, сүү, сүүн бүтээгдэхүүн, гар урлал, газар тариалангийн ургац болон дотоодын үйлдвэрлэлийн бүтээгдэхүүнийг хэрэглэгчдэд үйлдвэрийн үнээр хүргэнэ. Мөн бизнес эрхлэгчид бүтээгдэхүүн, үйлчилгээгээ танилцуулахын зэрэгцээ харилцан туршлага солилцож, цаашдын хамтын ажиллагааны боломжоо нэмэгдүүлэх юм.
Өнгөрсөн жилийн “Говь фестиваль”-аар гар урлал, цагаан идээ зэрэг орон нутгийн бүтээгдэхүүнийг танилцуулж, “Шилмэл мал” номинацаар малчдын мал сүргийн чанар, бүтээгдэхүүнийг онцлон харуулжээ. Харин энэ жилийн фестивалиар үйлдвэрлэгч, малчид, тариаланчдын бүтээгдэхүүнийг хэрэглэгчдэд шууд хүргэж, борлуулалтыг нэмэгдүүлэхэд түлхүү анхаарч байгааг Өмнөговь аймгийн ХХААГ-аас мэдээллээ.
Эх сурвалж: Монцамэ агентлаг
