Түншүүд ба донор байгууллагууд: Монгол Улсын Засгийн Газар; Европын Холбоо; НҮБ-ын Хөгжлийн Хөтөлбөр; Олон Улсын Хөдөлмөрийн Байгууллага
Хэрэгжих хугацаа: 2021 – 2024
Төслийн зорилго: Хөдөө аж ахуйн салбарт залуучуудын хөдөлмөр эрхлэлтийг нэмэгдүүлэх, зохистой ажлын байрыг дэмжих
Хөдөө аж ахуйн салбар нь нийт ажиллагсдын гуравны нэг орчмыг шууд болон шууд бус байдлаар бүрдүүлдэг бөгөөд ажил хөдөлмөрийн эх үүсвэр болсон чухал салбар хэвээр байх төлөвтэй байна. Монгол Улсын хөдөлмөр эрхлэлтийн салбар нь хамгийн бүтээмжтэй хүн амын томоохон хэсэг дэх тэгш бус байдалд том нөлөө үзүүлдэг. Иймд хот, хөдөө орон нутгийг холбосон, цалин болон хөдөлмөр эрхлэлтийн боломжийг эн тэнцүү байлгаж, хөгжүүлэх нь өндөр ач холбогдолтой шийдвэрлэх асуудал байсаар байна.
Төслийн “Хөдөлмөр эрхлэлтийг дэмжих нь: Ажлын байр нэмэгдүүлэх” – “C.4” бүрэлдэхүүн хэсгийг НҮБ-ын Хүнс, хөдөө аж ахуйн байгууллагаас хариуцан хэрэгжүүлж байна.
Төслийн үндэслэл
Монгол Улсын хэмжээнд 15-24 насны залуучуудын дунд ажилгүйдэл 25.3% байгаа нь улсын дунджаас гурав дахин, тэр дундаа хотын залуучуудын ажилгүйдлийн түвшин улсын дунджаас 17.9 пунктээр өндөр байна. Түүнчлэн залуучуудын 40% нь сургуулиа төгсөөд шууд ажлын байранд шилжин орж чадаагүй байна. Энэ нь боловсон хүчин илүү мэргэшиж, чадамжаа хөгжүүлэх хэрэгцээг илтгэж байна. Ажил хайгчийн ур чадвар болон ажил олгогчдын хүлээлт хоёрын хооронд үл нийцэх байдал түгээмэл байна. Иймд чанар болон ариун цэврийн шаардлага хангаагүй орчин, зах зээлийн с хоорондын уялдаа холбоо сул, санхүүгийн хүртээмжгүй байдал зэрэг хүндрэлийг арилгахад анхаарч ажилласнаар хөдөлмөрийн нөхцөлийг сайжруулж, хөдөлмөр эрхлэлтийн түвшнийг нэмэгдүүлэх боломжтой.
Үйл ажиллагаа
Чадамжид суурилсан сургалтын хөтөлбөрөөр дамжуулан Монгол Улсад залуучуудын ажлын байр бий болгох, зохистой хөдөлмөр эрхлэлтийг дэмжих, хөдөө аж ахуйн инновацид суурилсан бизнес эрхлэлтийг дэмжих, хөдөө аж ахуйн нэмүү өртгийн сүлжээг хөгжүүлэхэд хувь нэмэр оруулах нь төслийн үйл ажиллагааны чиглэл юм . Үндсэн зорилтот бүлэг нь залуучууд, тусгай хэрэгцээт иргэд, эмэгтэйчүүд болон гарааны бизнес эрхлэгчид юм.
- Үндэсний хөтөлбөрүүдийн хэрэгжилтийг хангах зорилгоор хөдөө аж ахуйн салбарт залуучуудыг олноор ажиллуулах боломжтой төр, хувийн хэвшлийн түншлэлийн үр дүнтэй загварыг тодорхойлж, туршина.
- Монгол Улсын агро-бизнес эрхлэгчдийн хөдөө аж ахуйн нэмүү өртгийн сүлжээг хөгжүүлэхэд чиглэсэн бүтэц, зохион байгуулалтын болон техникийн шинэчлэлийг дэмжинэ.
- Үндэсний болон олон улсын чанар, аюулгүйн стандартад нийцсэн, экспортод чиглэсэн хүнсний брэнд бүтээгдэхүүн хөгжүүлэхэд дэмжинэ.
- Монгол Улсын агро-бизнест суурилсан залуучуудын хөдөлмөр эрхлэлтийн бодлого, түүнийг хэрэгжүүлэхэд тулгамдаж буй бэрхшээлийг тодорхойлон, үйл ажиллагааны төлөвлөгөө боловсруулна.
