Энэхүү судалгаа нь бидний идэж буй зүйл манай гаригт хэрхэн нөлөөлж буйг тооцоолсон эрдэмтдийн харуулж буй анхны нарийн түвшний судалгаа юм. Мах үйлдвэрлэх нь ургамлын гаралтай хүнсний бүтээгдэхүүнээс илүү байгаль орчинд асар их нөлөө үзүүлдэг байна.
Оксфордын их сургуулийн судлаачид махны хэрэглээний түвшинг хүлэмжийн хийн ялгаруулалтад хэрхэн нөлөөлж байгааг тус судалгаагаар тогтоосон юм. Бүхий л тохиолдолд мах ихээр иддэг хүмүүс бусад бүлгүүдээс илүү их сөрөг нөлөө үзүүлдэг байна. Харин махны салбарынхан энэхүү дүн шинжилгээ хэтрүүлэг гэж үзжээ.
Оксфордын их сургуулийн профессор Питер Скарборо BBC News-т хэлэхдээ: “Бидний үр дүнгээс харахад Их Британид мах иддэг хүн бүр идсэн махны хэмжээгээ багасгавал үнэхээр том өөрчлөлт гарах болно” гэжээ
“Мал аж ахуйн орчин ба хүмүүс” (LEAP) төслийн Профессор Скарборо өдөрт 100 гр-аас дээш их хэмжээний мах иддэг болон махыг өдөрт 50 гр бага хэмжээний мах хэргэлдэг 55,000 хүмүүсийн дунд судалгаа авахад 1 бургер нь хэд хэдэн чиполата сосиск, цагаан хоолтой тэнцэнэ гэв.
Судалгаанаас харахад их хэмжээний мах идэгчдийн хоолны дэглэм өдөрт дунджаар 10.24 кг хүлэмжийн хий ялгаруулдаг бол бага мах иддэг хүн өдөрт 5.37 кг-ын бараг тал хувийн хүлэмжийн хий ялгаруулдаг байна. Харин веган хоолны хэрэглэгчдийн хувьд 2.47 кг буюу хоёр дахин буурч байдаг байна.
Хүлэмжийн хийн ялгаруулалтыг зөвхөн тухайн хувь хүний бие махбод дээр тооцоолоогүй юм байна. Үүнд мал өсгөх газрын талбайн хэмжээ, усны хэрэглээ зэргийг тооцоолжээ.
Тухайлбал махны өндөр хэрэглээтэй нэг хүний хүнсийг бэлтгэхэд өдөр бүр 890 литр ус, 16.78 метр квадрат талбай шаардагддаг байна. Бага хэрэглээтэй хүний хувьд энэ үзүүлэлт 710 литр ус, 8.31 метр квадрат талбай болон буурч байжээ. Харин мах огт хэрэглэдэггүй хүний хувьд 410 литр ус, 4.37 метр квадрат талбай болсон байна. Эндээс үндэслээд тооцоолбол Их Британийн махны өндөр хэрэглээтэй иргэд бага хэрэглээтэй ангилалд шилжихэд л замын хөдөлгөөнөөс 8 сая автомашиныг хассантай дүйцэх хэмжээний хүлэмжийн хийг бууруулахаар байгаа юм.
Их Британчууд махыг хамгийн дэвшилтэт технологийн аргуудаар үйлдвэрлэдэг. Тус салбарт 100,000 орчим хүн ажилладаг бөгөөд Их Британид жилд 9.5 тэрбум фунт стерлингийг дангаар махны салбар бүрдүүлдэг байна.
Британийн мах боловсруулагчдын холбооны гүйцэтгэх захирал Ник Аллен хэлэхдээ, энэ судалгаа нь хангалттай бус, нүүрстөрөгч өвс ногоо, мод, хашлаганд шингэдэг гэдгийг тооцохгүй зөвхөн мал аж ахуйн үйлдвэрлэлээс ялгарах утааг хардаг нь бухимдуулдаг. Хэрэв тэд эдгээр дүнг тооцсон бол үр дүн нь тус өөр гарах байсан гэв.
2021 онд “Nature Food” сэтгүүлд нийтлэгдсэн судалгаагаар хүнсний үйлдвэрлэл дэлхийн нийт хүлэмжийн хийн ялгарлын гуравны нэгийг бүрдүүлдэг гэсэн дүгнэлтэд хүрсэн байна. Мөн Байгаль орчны хүнс, хөдөө орон нутгийн асуудал эрхэлсэн газрын (Defra) Их Британын Цэвэр тэг зорилтын хүрээнд 2032 он гэхэд махны хэрэглээг 30 хувиар бууруулахыг уриалав.
