Монгол Улсын Ерөнхий сайдын ивээл дор “Мал аж ахуйн сэргэлт” залуу малчдын үндэсний чуулганыг ирэх аравдугаар сард Төрийн ордонд зохион байгуулахтай холбогдуулан чуулган зохион байгуулах ажлын хэсгийн хуралдаан боллоо.

Хуралдааныг ХХААХҮ-ийн Дэд сайд, ажлын хэсгийн дарга М.Ганхүлэг удирдан чуулганыг зохион байгуулах асуудлыг танилцуулж, гишүүдтэй санал солилцлоо.

Чуулганы зорилго залуу малчдыг дэмжих, төв рүү чиглэсэн нүүдэл ихсэж, хөдөө нутаг эзэнгүйрч болзошгүй зохисгүй хандлагыг бууруулах, мал аж ахуйн эдийн засгийн ач холбогдлыг малчид, иргэд, олон нийтэд сурталчлах, “Хүнсний хувьсгал” хүнсний хангамж, аюулгүй байдлын хөдөлгөөнд малчид нэгдэхэд оршино.

Ажлын хэсгийн бүрэлдэхүүнд:

• Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр,
• Монгол Улсын Ерөнхий сайдын зөвлөх Я.Төмөрбаатар,
• Монгол Улсын Ерөнхий сайдын зөвлөх Д.Даш,
• ХНХЯ-ны Төрийн нарийн бичгийн дарга Э.Ганхүү нарын тэргүүтэй ХХААХЯ, ХНХЯ, БОАЖЯ, БШУЯ, Соёлын яам, дотоодын болон олон улсын холбоод, төрийн байгууллагын төлөөлөл багтсан байна.