Хүнсний харшил үүсгэгч бодис нь ихэвчлэн хоол хүнс, тэдгээрийн уламжлалд агуулагддаг уураг бөгөөд хүний дархлааны хариу урвал хэвийн бус байдаг. Дэлхий даяар хүнсний харшлын тархалт нэмэгдэж байгаа гэж үзэж байна. Бага насны хүүхдүүдэд хамгийн түгээмэл тохиолддог харшил үүсгэгч бодис бол сүү, өндөг юм.
Хүнсний харшил нь хоол хүнсэнд агуулагдах тодорхой уургийн эсрэг бие махбодын дархлаа тогтолцооны хэвийн бус хариу урвалын үр дүнд үүсдэг.
Илрэх шинж тэмдэг:
- Арьсан дээр тууралт гарах
- Ам, хоолой загатнах
- Амьсгал давчдах
- Хамар, уруул, хэл эсвэл биеийн аль нэг хэсэг хавагнах
- Амьсгал богиносох
Сүүний харшил: Хэрэв та сүүний харшилтай бол арьс бэржийх, бөөлжих зэрэг урвалууд илэрч болох бөгөөд сэргийлэх цорын ганц зам гэвэл сүү, сүүн бүтээгдэхүүнээс хатуу зайлсхийх хэрэгтэй.
Өндөгний харшил: Ялангуяа өндөгний цагаанаас үүдэлтэй харшил нь илүү тохиолдоно. Хүүхдэд насанд хүрэгчдээс олон тохиолддог бөгөөд хүнд, хөнгөн байдлаар урвал явагддаг.
Улаан буудайн харшил: Хэрэв та улаан буудайн харшилтай бол ходоод гэдэс хямрах, арьсан дээр тууралт үүсэх, хамрын нусгай, амьсгалын багтрааны шинж тэмдэг илрэх ба үүнээс сэргийлэх цорын ганц зам нь гурил, гурилан бүтээгдэхүүнээс зайлсхийх явдал юм.
Газрын самрын харшил: Ийм харшилтай хүнд тун бага хэмжээний газрын самар агуулсан хоол хүнс хэрэглэхэд харшлын урвал үүсдэг. Тийм учраас хэрэглэгчид хоол хүнсний бүтээгдэхүүн худалдан авахдаа савлалтын шошго дээр газрын самар агуулсан эсэхийг заавал хянах хэрэгтэй. Урьдчилан сэргийлэхийн тулд газрын самар агуулсан бүтээгдэхүүнээс зайлсхийх нь чухал.
Загасны харшил: Эмч таныг яг ямар төрлийн загаснаас харшилтайг тодорхойлсон бол та тэр төрлийн загасыг хоолны цэсээсээ хасах хэрэгтэй. Загасны харшилтай хүмүүс бүх төрлийн загаснаас зайлсхийх шаардлагагүй.
