Монгол Улсын Ерөнхийлөгч У.Хүрэлсүх Бүгд Найрамдах Итали Улсын Ерөнхийлөгч Сэржо Маттарэллагийн урилгаар 2025 оны 12 дугаар сарын 01-03-ны өдрүүдэд тус улсад төрийн айлчлал хийнэ.
Энэ айлчлал Монгол Улс, Бүгд Найрамдах Итали Улс хооронд дипломат харилцаа тогтоосны 55 жилийн ойн хүрээнд төрийн тэргүүний түвшинд 14 жилийн дараа болох юм.
Тус айлчлалаар хүнс, хөдөө аж ахуй болон бусад салбарын туршлага, нөөц, бололцоог харгалзан харилцан ашигтай хамтын ажиллагааг хөгжүүлэх зорилгоор баялаг бүтээгчдийн “Бизнес тур” “Бизнес форум” зохион байгуулна.
Итали-Монголын бизнес форумын талаар мэдээлэл өгөх уулзалт Гадаад харилцааны яамны “Зөвшилцөл” танхимд зохион байгуулагдлаа.
“Хүнсний хувьсгал” үндэсний хөдөлгөөний хүрээнд 2025.12.03- ны өдөр болох “Бизнес тур”-аар Итали улсын Наполи хотын гурилан бүтээгдэхүүн болон кофе, бяслаг, сүүн бүтээгдэхүүн, шингэн хүнсний үйлдвэрүүдтэй танилцан туршлага судлахаар төлөвлөж байна.
