Монгол Улсын Ерөнхийлөгч Ухнаагийн Хүрэлсүх Бүгд Найрамдах Итали Улсын Ерөнхийлөгч Сэржо Маттарэллагийн урилгаар тус улсад төрийн айлчлал хийж байна.
Айлчлалын хүрээнд Монголын жижиг, дунд үйлдвэрлэл, үйлчилгээний холбоо, Бүгд Найрамдах Итали улсын Confartigianato Imprese (Конфартижианато Импрезе) холбоотой хамтран ажиллах санамж бичиг байгууллаа.
Санамж бичгийг Монголын жижиг, дунд үйлдвэрлэл, үйлчилгээний холбооны Удирдах зөвлөлийн гишүүн бөгөөд Гадаад харилцаа хариуцсан Дэд Ерөнхийлөгч Ц.Ганзориг үзэглэлээ.
Confartigianato Imprese холбоо нь Италийн гар урлал, бичил болон жижиг үйлдвэрлэл, аж ахуйн нэгжүүдийг (SMEs) нэгтгэсэн, улсын хэмжээнд үйл ажиллагаа явуулдаг хамгийн том бөгөөд нөлөө бүхий байгууллага юм.
Тус холбоо нь Италийн эдийн засаг, соёлын гол хөдөлгөгч хүч болох “Made in Italy”-ийн чанар, уламжлалыг хадгалан үлдэж буй дархан, жижиг үйлдвэрлэгчдийг дэмжин ажилладаг. Тэдний дэмжлэгээр олон мянган жижиг бизнес тогтвортой үйл ажиллагаа явуулж, Италийн эдийн засагт чухал хувь нэмэр оруулдаг гэж үздэг байна.
