Цайр нь биологийн чухал ач холбогдол бүхий бичил элемент юм. Хүний бие махбодийн 100 гаруй ферментийн идэвхийг сайжруулдаг. Цайр дархлааны системийг эрүүл байлгах, ДНХ-гийн нийлэгжилт, хүүхдийн өсөлт хөгжилт, шархны эдгэрэлт гэх мэт олон чухал үйл ажиллагаанд үүрэг гүйцэтгэдэг. Тухайлбал, хонины мах, үхрийн мах, вандуй (вандуй шош), сashews (Кешьв), хулууны үр, тараг (эсвэл кефир), тахианы мах, цацагт хяруулын мах, өндөг, мөөг, салмон, какао нунтагт цайр ихээр агуулагддаг байна.
Цайрын дутагдлаас үүдэх өвчин эмгэгүүд:
- Дархлаа буурч, хавдраар өвчлөх эрсдэл нэмэгдэнэ
- Амьсгалын замын вируст халдвар, ханиад, томуунд өртөмтгий болно
- Арьсны аливаа өвчин түүний дотор харшлын шинж чанартай батга ихэснэ
- Арьсны уян чанар буурч, үс, хумс хэврэгшинэ
- Эмэгтэй, эрэгтэй хүний үргүйдэл, эрэгтэйд бэлгийн сулралын эрсдэл өснө
- Эмэгтэйчүүдэд өндгөвчний үйл ажиллагаа алдагдах, жирэмсний хүндрэл, зулбах эрсдэл нэмэгдэнэ, ургийн өсөлт, хөгжлийн эрсдэлүүд өсдөг
Цайрын ач тус:
- Цайрын хэвийн хэмжээ нь дархлааг сайжруулж, хөгшрөлтийг саатуулдаг
- Цайр нь аливаа шарх түүний дотор мэс заслын дараах эдгэрэлтийг түргэсгэх үйл явцад чухал үүрэг гүйцэтгэдэг
- Бөөрөнд хамгаалалтын нөлөө үзүүлдэг
- Хараа муудах, нүдний торлог өвчнөөс урьдчилан сэргийлнэ
- Чихрийн шижин, катаракт өвчнөөс урьдчилан сэргийлэх, цусан дахь сахарын хэмжээг хэвийн хэмжээнд байлгахад оролцдог
- Ямар ч төрлийн суулгалт, цусан суулга, гэдэсний эмгэг өвчинд хэрэглэдэг
- Ахмад настанд үе мөчний үрэвсэлт өвчнөөс хамгаална