Нийслэлийн статистикийн газраас долоо хоног бүрийн үнэ ханшийн мэдээллийг гаргадаг. Тэгвэл өмнөх долоо хоногтой харьцуулахад, хүнсний ногооны үнэ 0.8-9.8 хувиар өсжээ. Хоёрдугаар сараас хойш зах, худалдааны төвүүдэд байцаа, Монгол сонгино, хүрэн манжингийн үнэ тогтмол өссөөр 5000 төгрөг шүргэж байна. Тодруулбал, хүрэн манжин килограмм нь 4757 төгрөг болж өмнөх долоо хоногоос 0.8 хувиар өссөн бол Монгол сонгины үнэ 0.5 хувиар нэмэгдэж 4794 төгрөг болов. Харин Монгол луувангийн үнэ 1.1 хувиар буурч 4035 төгрөг болжээ. Мөн төмсний үнэ тогтвортой байсан бол өмнөх долоо хоногоос 4.6 хувиар өсөж килограмм нь 1446 төгрөг, Монгол байцаа 9.8 хувиар өсөж килограмм нь 3616 төгрөгийн үнэтэй зах худалдааны төвүүдэд борлуулж байгаа юм. Өнөөдрийн /2025.06.03/ байдлаар үхрийн цул махны үнэ килограмм нь 23686 төгрөгийн үнэтэй байна