НҮБ-ын Ерөнхий Ассемблейгээс жил бүрийн зургаадугаар сарын 7-ныг “Дэлхийн хүнсний аюулгүй байдлын өдөр” болгон тэмдэглэн өнгөрүүлдэг уламжлалтай.
Энэ жил хүнсний аюулгүй байдлын өдрийг “Хүнсний бүтээгдэхүүний аюулгүй байдал: Шинжлэх ухаанч үйлдэл” уриан дор дэлхий нийтээрээ тэмдэглэн өнгөрүүлсэн юм. Дэлхийн хүнсний аюулгүй байдлын өдрөөр дэлхийн хүнсний аюулгүй байдлын талаархи мэдлэгийг дээшлүүлэх, улс орон, шийдвэр гаргагчид, хувийн хэвшил, иргэний нийгэм, НҮБ-ын агентлагууд болон нийгмийн байгууллагуудын зүгээс олон нийтэд мэдээлэл хүргэн сурталчилж хамтдаа тэмдэглэн өнгөрүүлэхийг уриалдаг.
Үүнтэй холбогдуулан Дэлхийн хүнсний аюулгүй байдлын өдрийг тохиолдуулан ХАБҮЛЛ-иос “Шинжлэх ухаан ба хүнсний аюулгүй байдал” эрдэм шинжилгээний IX бага хурлыг зохион байгуулж байна.
Эрдэм шинжилгээний бага хуралд Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, ХАБҮЛЛ-ийн ерөнхий захирал О.Нандин-Эрдэнэ, НҮБ-ын ХХААБ-ын суурин төлөөлөгч Чиньюнь Дяо нар оролцож, үг хэллээ.
Дэмжигч байгууллагаар Стандарт хэмжил зүйн газар, НҮБ болон МУИС хамтран ажиллаж, эрдэм шинжилгээ, судалгааны чиглэлээр үйл ажиллагаа явуулж буй төрийн болон төрийн бус байгууллагуудын 60 гаруй эрдэмтэн судлаач, багш, оюутан, шинжээч нар оролцо
Тус өдөр нь тогтвортой хөгжлийн зорилтуудыг хэрэгжүүлэхэд хүнсний бүтээгдэхүүний аюулгүй байдлын тогтвортой, уян хатан тогтолцоог бодит мэдээлэлд үндэслэн бий болгох нь эрүүл мэндийг хамгаалж, иргэдийн амьжиргааг дэмжиж Тогтвортой хөгжлийн зорилтуудыг хэрэгжүүлэх, мөн эдийн засагт үзүүлэх сөрөг нөлөөллийг бууруулах зорилготой.
Бид хүнсний аюулгүй байдалд шинжлэх ухаанч үйлдлээр хандсанаар цаашдын авах арга хэмжээ, төлөвлөлтөө судалгаанд суурилан бодитойгоор хэрэгжүүлэх нөхцөл бүрдэх юм.
