Улсын Их Хурлын даргын 82 дугаар захирамжаар байгуулагдсан Жижиг, дунд үйлдвэр, үйлчилгээг дэмжих тухай хуулийн хэрэгжилттэй танилцаж, бичил үйлдвэр, үйлчилгээ эрхлэгчдийг дэмжих тогтолцоог оновчтой болгох чиглэлээр санал, дүгнэлт гаргах, холбогдох хуулийн төсөл боловсруулах үүрэг бүхий ажлын хэсгийн хуралдаан боллоо.

Хуралд УИХ-ын гишүүн М.Бадамсүрэн, УИХ-ын гишүүн С.Замира, УИХ-ын гишүүн Ж.Батжаргал, УИХ-ын гишүүн М.Ганхүлэг болон Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр болон ажлын хэсгийн гишүүд, холбогдох албаныхан оролцлоо.

Хурлаар жижиг, дунд үйлдвэр, үйлчилгээг дэмжих хууль болон тус салбарынханд олгож буй зээлийн санхүүжилтийг тогтвортой болгож, оновчтой хүртээмжтэй байх нөхцөлийг бүрдүүлэх зэрэг асуудлыг хэлэлцэж, санал солилцлоо.

Цаашид:

• Бичил үйлдвэр, үйлчилгээ эрхлэгчдийг дэмжих тогтолцоог оновчтой болгох чиглэлээр санал, дүгнэлт гаргах,
• Холбогдох хуулийн төсөл боловсруулж, тулгамдаж буй асуудал, үүсэж буй эрх зүйн харилцаа, түүний зохицуулалтын хэрэгцээ шаардлагыг тодорхойлох, сайжруулах талаар хэлэлцлээ.