Бэлэн гоймон бол хямд, хурдан, бэлтгэхэд хялбар хүнс юм. Гэвч энэ хүнс нь хоол боловсруулах системд сөргөөр нөлөөлж буйг бид тэр бүр мэддэггүй.
Массачусетс мужийн Ерөнхий эмнэлгийн эмч, доктор Браден Куо дэлхийд анх удаа бэлэн гоймон ходоодонд хэрхэн боловсордог болохыг судлах туршилтыг хийсэн байна.
Доктор Куо тусгай бяцхан камертай эм залгиулж, ходоодонд орсон бэлэн гоймон хэрхэн боловсордог үйл явцыг ажигласан. Үр дүнд нь хоёр цагийн дараа ч бэлэн гоймон бүрэн задралгүй бараг тэр чигтээ үлдсэн байв.
Туршилтын зорилгоор, оролцогчид өөр өдөр гар аргаар хийсэн шинэхэн гоймон идсэн бөгөөд хоёр цагийн дотор энэхүү гоймон ходоодонд бараг бүрэн задарсан байжээ. Доктор Куо энэхүү хоёр гоймонгийн боловсролтын ялгааг онцолж, “Үйлдвэрийн аргаар боловсруулсан гоймон нь гар аргаар хийсэн шинэхэн гоймонтой харьцуулахад ходоодонд хамаагүй удаан задарч байлаа” гэжээ.
Ходоодонд бэлэн гоймон удаан хугацаанд задралгүй байх нь шим тэжээл шингэхэд саад болж, хадгалалтын бодис (preservatives) удаан хугацаагаар биед хуримтлагдах боломжийг олгодог. Бэлэн гоймонд агуулагддаг гол хадгалалтын бодис нь TBHQ юм. Энэ нь ихэвчлэн хямд үнэтэй хүнсний бүтээгдэхүүнд ашиглагддаг ба удаан хугацааны хэрэглээ нь эрүүл мэндэд сөргөөр нөлөөлж, эрхтнүүдийг доройтуулах, хавдар үүсгэх эрсдэлтэй.
Бэлэн гоймонд агуулагддаг зарим орц найрлага:
- Пропилен гликол: Гоймонгийн бүтцийг хадгалах зориулалттай бөгөөд тамхи болон антифризд мөн хэрэглэгддэг.
- TBHQ: Хадгалалтын гол бодис. Үнэртэй ус, давирхай, био дизельд ашиглагддаг.
- MSG (моносодиум глютамат): Амт сайжруулагч бөгөөд дотор муухайрах, толгой өвдөх зэрэг сөрөг нөлөөтэй.
- Натрийн агууламж өндөр: Нэг сав бэлэн гоймонд 1,875 мг натри агуулагдах ба өдөрт авах ёстой хэмжээ (1,500 мг)-ээс их байдаг.
- Ургамлын тос: Бэлэн гоймонд хэрэглэдэг тос нь дал модны тос гэх мэт ханасан өөх тос агуулсан байдаг.
- BPA: Зарим гоймонгийн саванд агуулагдах бөгөөд гормоны үйл ажиллагааг алдагдуулдаг.
- Эрдэнэ шишийн сироп: Гоймонгийн бүтцийг хадгалах зориулалттай, элсэн чихэртэй ижил үүрэг гүйцэтгэдэг.
эх сурвалж: саак.мн
