Монголын эдийн засгийн форум 2025 өнөөдөр 09.00 цагт Төрийн ордонд “Маргаашийн төлөө хамтдаа” уриан дор эхэллээ. Нээлтийн үйл ажиллагаанд Монгол Улсын Ерөнхий сайд Г.Занданшатар оролцож, шинэ бүрэлдэхүүнтэй Засгийн газрын хөгжлийн бодлого, цаашдын чиглэлийг олон нийтэд танилцуулж үг хэллээ.
Монгол Улсын хөгжлийг хурдасгах зорилго бүхий Монголын Эдийн Засгийн Форум 2010 оноос эхлэн жил бүр зохион байгуулагдаж ирсэн юм.
Тус форумд Монгол Улсын Засгийн газар, хувийн хэвшил, иргэний нийгэм, эрдэм шинжилгээний байгууллага болон олон улсын 2000 орчим төлөөллийг оролцуулсан өндөр түвшний нээлттэй хэлэлцүүлэг өрнөж байгаа юм.
Монголын Эдийн засгийн форум-2025 дараах сэдвээр хэлэлцүүлэг өрнөнө.
- Хүнсний хангамж
- Бизнест ээлтэй монгол
- Тодорхойгүй байдалтай нүүр тулах нь
- Олон улсаас хөрөнгө оруулалт татах нь
- Хот төлөвлөлт, хотын эдийн засаг
- Урт хугацааны баялгийн удирдлага
- Бүсчилсэн хөгжил ба тээвэр логистикийн хөрөнгө оруулалт
- Шинэ боломж ба эрсдэл
- Дижитал эрин
- Сэргээгдэх эрчим хүчний асуудал ба шийдэл
- Маргаашийн ажиллах хүчин
- Стратегийн нөөц ба нийлүүлэлтийн гинжин хэлхээ
- Чухал ашигт малтмал, нийлүүлэлтийн гинжин хэлхээ
- Тогтвортой олборлолт
- 2023 он: “Улс төрийн соёл, ёс суртахууныг төлөвшүүлж байж тогтвортой хөгжинө” сэдвээр зохион байгуулагдсан. Форумын үеэр төрийн ил тод байдал, хариуцлагатай байдлыг сайжруулах, ёс зүйн төлөвшил, иргэний нийгмийн оролцооны талаар хэлэлцсэн .
- 2024 он: “Бүсчилсэн хөгжил-Монголын эдийн засгийн форум” нэртэйгээр зохион байгуулагдсан. Форумын үеэр бүсчилсэн хөгжлийн үзэл баримтлал, хөрөнгө оруулалтын хуваарилалт, төсвийн үр ашигтай байдлын талаар тус тус хэлэлцжээ.