“Монгол-Хятадын V экспо” БНХАУ-ын Өвөр Монголын Өөртөө Засах Орон (ӨМӨЗО)-ы Хөх хотноо /2025.08.25/-ны өдөр нээлтээ хийнэ.
Экспогийн хүрээнд явагдах салбар хуралдаанууд өнөөдрөөс эхэлсэн ба Монгол-Хятадын төр, хувийн хэвшил, үйлдвэр, боловсрол, судалгаа шинжилгээ салбарын төлөөллүүд ногоон, дижитал эдийн засгийн хамтын ажиллагаа, худалдааны зөөлөн болон хатуу дэд бүтцийг сайжруулах зэрэг өргөн хүрээнд хамтран ажиллах талаар харилцан санал солилцох юм.
Монгол Улсаас хувийн хэвшлүүдийг төлөөлж “Хүнсний хувьсгал” мэргэжлийн холбооны Удирдах зөвлөлийн гишүүн Ц.Ганзориг үг хэлж, илтгэл танилцуулах юм. Мөн “Хүнсний хувьсгал” мэргэжлийн холбооны Дэд тэргүүн Т.Мөнхтөр тус экспод оролцож, монголын баялаг бүтээгчдээ төлөөлөн ажиллаж байна.
Монголын аж ахуйн нэгжүүд энэхүү экспод оролцохдоо дотоодын үйлдвэрлэлийг сурталчлах, шинэ зах зээлд нэвтрэх, хамтын ажиллагааг өргөжүүлэх зорилготой. Экспод Монгол Улсын хүнс хөдөө аж ахуй, нэхмэл, ноос ноолуур, арьс ширэн бүтээгдэхүүн болон гар урлалын үйлдвэрлэлийн салбарын 350 гаруй аж ахуйн нэгж, компани оролцож байна.
