Монгол Улсын Ерөнхийлөгч Ухнаагийн Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөний үйл ажиллагааг зохицуулах, хяналт тавих, чиглүүлэхэд гол үүрэг гүйцэтгэдэг Ерөнхийлөгчийн Тамгын газрын Хүнсний төсөл, хөтөлбөрийн албаны даргаар О.Нямсүрэн томилогдлоо.

Оюунцэрэнгийн Нямсүрэн:

Боловсрол

• ХААИС-ийн Агробиологийн сургууль – Газар зохион байгуулагч, инженер мэргэжлээр баклаврын зэрэг,
• ХААИС-ийн Газрын менежементийн чиглэлээр магистрын зэрэг,
• Хөдөө аж ахуйн ухаанаар докторын зэргийг тус тус хамгаалсан, дэд профессор цолтой.

Ажлын туршлага

• 2004-2013 онд ХААИС-ийн Агробиологийн сургуульд багш,
• 2013-2014 онд ХААИС-ийн Агробиологийн сургуулийн Эрдэмтэн нарийн бичгийн дарга, Эрдмийн зөвлөлийн гишүүн,
• 2014-2018 онд ХААИС-ийн Агроэкологийн сургуулийн захирал, Эрдмийн зөвлөлийн дарга, ХААИС-ийн Эрдмийн зөвлөлийн гишүүн, Захиргааны зөвлөлийн гишүүн,
• 2018 онд ХААИС-ийн Эрдэм шинжилгээ, инновацын алба, Инновац, бизнес хөгжлийн төвийн захирал, ХААИС-ийн Эрдмийн зөвлөлийн гишүүн, Захиргааны зөвлөлийн гишүүн,
• 2018-2022 онд ХААИС-ийн Чанарын удирдлага, зохицуулалт эрхэлсэн дэд захирал, Удирдах зөвлөлийн нарийн бичгийн дарга, ХААИС-ийн Эрдмийн зөвлөлийн гишүүн, Захиргааны зөвлөлийн гишүүн,
• 2023-2024 онд ХААИС-ийн Захиргаа, удирдлагын газар, Чанарын албаны дарга, Удирдах зөвлөлийн нарийн бичгийн дарга,

Түүний хувьд хүнс, хөдөө аж ахуйн салбарт 20 гаруй жил ажилласан туршлагатай бөгөөд 2024-2025 онд Монгол Улсын Ерөнхийлөгчийн Тамгын газрын дэргэдэх Эрдэмтдийн зөвлөлийн нарийн бичгийн дарга, Монгол Улсын Ерөнхийлөгчийн Тамгын газрын Хүнсний төсөл, хөтөлбөрийн албанд референтээр ажиллаж байсан юм.