“КОПИА Монгол” төв Ховд аймгийн Булган сумын нутагт 5.3 га талбайд цагаан будааны тариалалт амжилттай хийж анхны ургацаа хураан авлаа.

“КОПИА Монгол” төвийн 2025 оны хамтарсан төслийн жилийн эцсийн тайлан хурал боллоо.

Төслийн үр дүнг дүгнэх тайлан хуралд Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр, “KОПИА Монгол” төвийн захирал У Мён Гюү болон Удирдах хорооны гишүүд оролцож байна.

Монголчуудын гол хүнсний бүтээгдэхүүн нь мах, улаан буудай байдаг ч сүүлийн үед үр тарианы хэрэглээнд шилжсэнтэй холбоотойгоор цагаан будааны хэрэглээ хурдацтай нэмэгдэж байна. Өнгөрсөн онд 49.536 тонн цагаан будаа (ойролцоогоор 46 тэрбум вон) импортолжээ.

Монгол Улсад анх удаа цагаан будааны тарилтаас эхлэн хураалт хүртэлх бүх шатны үйл явцыг амжилттай хэрэгжүүллээ. Энэ нь Монгол оронд цагаан будаа тариалах шинэ боломжийг нээж, хүнсний аюулгүй байдалд чухал хувь нэмэр оруулах үйл явдал билээ. Энэ удаагийн ургацаас хурааж авсан будааг ирэх онд үрийн зориулалтаар ашиглах бөгөөд 2026 оны намраас эхлэн Монголд тарьсан цагаан будааг хүнсэнд ашиглах боломжтой болох юм. КОПИА Монгол төв нь цаашид ч Монгол орны хөрс, цаг уурын нөхцөлд тохирсон будаа тариалалтыг хөгжүүлэх, хүнсний үйлдвэрлэлийн тогтвортой байдлыг дэмжих чиглэлээр судалгаа шинжилгээний ажлаа үргэлжлүүлэх болно.

Туршилтын талбайгаас нэг га-гаас дунджаар 6-8 тонн цагаан будаа хураан авах тооцоотой бөгөөд эхний ургацаа амжилттай хураан авчээ.

Одоогоор:

• Монгол оронд тохиромжтой ферментжүүлсэн тэжээлийг нутагшуулах,
• Бөөрөнхий сонгины механикжуулсан тариалах технологи нэвтрүүлэх,
• Ногоон бордурыг ашиглан улаанбуудайн ургацыг нэмэгдүүлж, чанар сайтай үрийг түгээн дэлгэрүүлэх,
• Монгол оронд тохиромжтой үхрийн аж ахуйн дэвшилтэт загвар нэвтрүүлэх,
• Монгол оронд тохиромжтой цагаан будаа тариалах зэрэг төслүүдийг амжилттай хэрэгжүүлж байгаа юм.