Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр “Өв соёл үйлдвэр” ХХК-ийн нарийн боовны үйлдвэрт ажиллаж, “Хүнсний хувьсгал” үндэсний хөдөлгөөний хүрээнд хийгдсэн ажлын үр дүнтэй танилцлаа.
“Өв соёл үйлдвэр” нарийн боовны үйлдвэр нь “Хүнсний хангамж, аюулгүй байдал” үндэсний хөдөлгөөний хүрээнд шинээр ашиглалтад орсон 53 үйлдвэрийн нэг юм.
Олон улсын стандартад нийцсэн бүтээгдэхүүнээр уламжлалт өв соёлыг түгээн дэлгэрүүлж, одоогоор 1000 гаруй борлуулалтын сүлжээгээр түгээж байна. Цаашид нийслэл, хөдөө орон нутагт бүтээгдэхүүний үнийг жигд барин, тээвэр логистикийн асуудлыг шийдэж бөөний худалдааг өргөжүүлэх зорилготой байгаа юм. Мөн хүнсний хангамжийн хүрээнд бүтээгдэхүүнийг нөөцийг нэмэгдүүлж хэрэглэгчдэд тасалдалгүй хүрэхэд анхаарч ажиллах юм.
Мөн 2022 оноос хойш АНУ-ын TROMP, БНЧУ-ын J4, Итали улсын CEPI, БНХАУ-ын AOCNO гэх мэт олон улсын хамтын ажиллагааг өрнүүлж, үйлдвэрлэлийн үйл ажиллагаагаа эхлүүлсэн бөгөөд 100 хувь ашиглалтад орсноор улсын хэмжээнд талх, гурилан бүтээгдэхүүний 50 хувийг үйлдвэрлэх буюу хоногт 80 тонн талх, нарийн боов үйлдвэрлэх хүчин чадалтай төдийгүй 500 гаруй ажлын байрыг бий болгох боломжтой юм.
Энэ нь “Хүнсний хувьсгал” хөдөлгөөний дэмжлэгээр боссон бодит бүтээн байгуулалт юм.
