Ховд аймгийн томоохон зах, худалдааны төвд борлуулж буй махны жижиглэнгийн үнэ ямар байгааг тодрууллаа.
Тус аймагт энэ сарын 13-ны өдрийн байдлаар нэг кг үхрийн махыг дунджаар 20 мянган төгрөгөөр борлуулж байгаа нь өмнөх долоо хоногийнхоос 11.1 хувиар өссөн үзүүлэлт юм.
Мөн нэг кг хонины мах дунджаар 18 мянган төгрөгийн үнэтэй байгаа нь өмнөх долоо хоногийнхоос 5.9 хувиар өссөн үзүүлэлт юм.
Харин нэг кг ямааны мах 14 мянган төгрөгийн үнэтэй байгаа нь өмнөх долоо хоногийн дундаж үнийн түвшинд байгаа үзүүлэлт гэж Ховд аймгийн Статистикийн хэлтсээс танилцуулав.
Ховд аймагт махны үнэ цаашид нэмэгдэх хандлагатай байна.
Яг өнөөдрийн байдлаар (2026.01.19) зарим худалдаа эрхлэгч нэг кг үхрийн махыг 20-22 мянган төгрөгөөр борлуулж байна.
Мөн хонины махыг 18-20 мянга, ямааны махыг 15-18 мянган төгрөгөөр борлуулж байна.
Энэ нь өмнөх өдрүүдтэй харьцуулахад 2000-4000 төгрөгөөр нэмэгдсэн үзүүлэлт бөгөөд махны үнэ нэмэгдэж байгаа шалтгаан нь малчдын гар дээрээс мал, махыг өндөр үнээр худалдан авч байгаа, тээвэрлэлтийн зардал нэмэгдсэн, амьд мал зарах нь ховор байгаа зэрэг олон хүчин зүйлтээ холбон тайлбарлалаа.
Эх сурвалж: Монцамэ агентлаг
