Баянжаргалан сумын Засаг даргын Тамгын газрын нөөцөөс өвс, тэжээл борлуулж эхэлжээ. Энэ нь зах зээлийн үнээс 3000-5000 төгрөгийн хооронд хямд худалдаж байгаа юм.

Тухайлбал, Өвс 10000, хивэг 24000 төгрөгөөр худалдаж байгаа бөгөөд нэг өрхөд 20 боодол өвс олгож байна. Сумын аюулгүйн нөөцөд 75 тн өвс, үйлдвэрийн тэжээл 11,5 тн хивэг, 13 тн буудай нөөцөлжээ.

Баянжаргалан суманд 501 өрхийн 152025 толгой, хонин толгойд шилжүүлснээр 299650 малтай. Үүн дээр отроор 13 өрхийн 11923 тоо толгой мал нэмэгдэж, тус суманд энэ жил 311 мянган мал өвөлжиж байна.

Эх сурвалж: Монцамэ агентлаг