Аймгийн хэмжээнд хэрэглээний бараа, үйлчилгээний үнэ аймгийн хэмжээнд 2025 оны 12 дугаар сард 11 сарынхаас 0.3 хувиар өссөн байна. Түүнчлэн 2025 оны 12 дугаар сард нэгтгэсэн дүнг хоёр жилийн өмнөх үеийнхтэй харьцуулахад 2023 оноос 15.4 хувиар, 2024 оны эцсээс 8.1 хувиар тус тус өсжээ.
Тухайлбал, 2023 оноос 2025 оны хооронд даатгал санхүүгийн үйлчилгээ 27 хувиар, зочид буудал, нийтийн хоол, дотуур байрны үйлчилгээ 14.3 хувиар, хүнсний бараа, ундаа, ус 13.3 хувиар өссөн байна.
Мөн бусад бараа, үйлчилгээ 11.3 хувь, гэр ахуйн тавилга, бараа 10.5 хувь, хувцас, бөс бараа, гутал 8.2 хувь, тээвэр 5 хувь, эм тариа, эмнэлгийн үйлчилгээ 5 хувиар өссөн бол орон сууц, ус, цахилгаан, хийн болон бусад түлш 3.9 хувиар, согтууруулах ундаа, тамхи 3.4 хувиар тус тус нэмэгджээ.
Иргэдийн амралт, чөлөөт цагаа өнгөрүүлдэг газрын үйлчилгээ, соёлын бараа, үзвэр үйлчилгээ 3.3 хувиар тус тус өссөн байна.
Эх сурвалж: Монцамэ агентлаг