Сар шинийн баярыг угтаж жижиг, дунд үйлдвэрлэл эрхлэгчдээ дэмжин “Цагаан сар” өргөтгөсөн худалдааг хоёрдугаар сарын 5-7-ны өдрүүдэд Зуунмод суманд зохион байгуулж байна.

Үзэсгэлэн худалдаанд 27 сумын 250 гаруй жижиг, дунд үйлдвэр эрхлэгч, малчин, хувиараа хөдөлмөр эрхлэгчид 215 нэр төрлийн бүтээгдэхүүнээр оролцож, өнөөдрийн байдлаар 400 гаруй сая төгрөгийн борлуулалт хийгээд байна.

Үзэсгэлэн худалдаанд оролцогч С.Шура, Сархинагаар уут, дөрвөн бэрх, даллаганы уут хийж худалдаж байна. Иргэд их сонирхож байгаа ч худалдан авах нь бага байна.

Ц.Цоож, Өөрийн гэсэн нэрийн тавхай ааруултай ирсэн. Борцыг вакуумжуулаад жижиг савлагаанд савласан учраас хүмүүс их сонирхон авч байна. Үзэсгэлэн худалдаа бараа бүтээгдэхүүнээ шууд борлуулж, олон нийтэд сурталчлах маш том боломж гэж харж байна.

Өмнө жилийн үзэсгэлэн худалдаагаар 290 иргэн, аж ахуйн нэгж, хоршооны 70 гаруй нэр төрлийн бүтээгдэхүүнийг худалдаж байсан бол энэ жил бүтээгдэхүүний нэр төрөл гурав дахин нэмэгджээ.

Эх сурвалж: https://www.montsame.mn/