Сэлэнгэ аймгийн хэмжээнд хэрэглээний бараа, үйлчилгээний үнэ энэ оны 1 дүгээр сард өмнөх сараас 3.7 хувиар, өмнөх оны мөн үеэс 13.3 хувиар тус тус өссөн байна.
Энэхүү өсөлтөд хүнсний бараа, согтууруулах бус ундаа бүлгийн үнэ 20.7 хувь, хувцас, бөс, бараа, гутал бүлгийн үнэ 11.0 хувь, даатгал санхүүгийн үйлчилгээ бүлгийн үнэ 10.7 хувь, эм тариа, эмнэлгийн үйлчилгээ бүлгийн үнэ 9.8 хувь, амралт, чөлөөт цаг, соёлын бараа, үйлчилгээ бүлгийн үнэ 8.5 хувь, гэр ахуйн тавилга, гэр ахуйн бараа бүлгийн үнэ 7.8 хувь.
Мөн зочид буудал, нийтийн хоол, дотуур байрны үйлчилгээ бүлгийн үнэ 7.5 хувь, орон сууц, ус, цахилгаан, хийн болон бусад түлш бүлгийн үнэ 7.4 хувь, согтууруулах ундаа, тамхи, мансууруулах бус ундаа бүлгийн үнэ 7.1 хувь, тээвэр бүлгийн үнэ 3.3 хувь, холбооны хэрэгсэл, шуудангийн үйлчилгээ бүлгийн үнэ 1.6 хувь, бусад бараа үйлчилгээний үнэ 19.6 хувь тус тус өссөн нь голлон нөлөөлсөн байна.
Хэрэглээний бараа, үйлчилгээний үнэ өмнөх сараас 3.7 хувиар өсөхөд хүнсний бараа, согтууруулах бус ундаа бүлгийн үнэ 9.5 хувь, эм тариа, эмнэлгийн үйлчилгээ бүлгийн үнэ 0.2 хувь, амралт, чөлөөт цаг, соёлын бараа, үйлчилгээ бүлгийн үнэ 0.2 хувиар тус тус өссөн нь голлон нөлөөлжээ.
Инфляцийн түвшин буюу хэрэглээний бараа, үйлчилгээний үнэ 2025 оны 1 дүгээр сард 6.9 хувь байсан бол 2026 оны 1 дүгээр сард 13.3 хувь болж, өмнөх оны мөн үеэс 6.4 нэгж хувиар өссөн байна.
Эх сурвалж:https://montsame.mn/mn/