Байгалийн давагдашгүй хүчин зүйл ган, мөндрийн улмаас өнгөрсөн онд ургац алдсан, газар тариалан эрхэлдэг иргэн, аж ахуйн нэгжүүд харилцагч банкандаа хандаж хүүгийн хөнгөлөлттэй эргэлтийн хөрөнгийн зээлийн үндсэн төлбөрөө хойшлуулах боломжтой.
Засгийн газраас хариуцан төлөх хүүгийн дэмжлэгтэй эргэлтийн хөрөнгийн зээл авсан иргэн, аж ахуйн нэгжүүд зээлийн үндсэн төлбөрийг 6 сар хүртэлх хугацаагаар хойшлуулах шийдвэрт хамрагдахыг ХХААХҮЯ мэдээлэв.
Аймгийн ХХААГ-уудаас ирүүлсэн байгалийн давагдашгүй хүчин зүйл ган, мөндөрт өртсөн иргэн, аж ахуйн нэгжүүдийн жагсаалтыг нэгтгэн холбогдох арилжааны банкуудад хүргүүлээд байна.
Засгийн газрын “Тариалангийн үйлдвэрлэл эрхлэгчдийн талаар авах арга хэмжээний тухай” 2025 оны тогтоолоор байгалийн давагдашгүй хүчин зүйлийн улмаас ургац алдсан үйлдвэрлэл эрхлэгч иргэн, аж ахуйн нэгжийн 2023-2025 онд банкнаас авсан Засгийн газраас хариуцан төлөх эргэлтийн хөрөнгийн зээлийн үндсэн төлбөрөөс чөлөөлөх хугацааг хойшлуулах болсноор ХХААХҮЯ банкуудтай зөвлөлдөн, зээлийн гэрээнд нэмэлт өөрчлөлт оруулжээ.
Эх сурвалж: https://montsame.mn/mn/
