Өнөөдрийн байдлаар аймгийн Өвс, тэжээлийн аюулгүйн нөөцөд 420 тонн бүдүүн тэжээл, 297 тонн хүчит тэжээл, сумдын аюулгүйн нөөцөд 467.7 тонн бүдүүн тэжээл, 64.4 тонн хүчит тэжээл байна.
Малчдын аюулгүйн нөөцөд 7847 тонн өвс, 1071 тонн үйлдвэрийн тэжээл, 297 тонн ногоон тэжээл, 72.4 тонн гар тэжээл байгаа юм. Монгол Улсын Засгийн газрын 2025 оны арван хоёрдугаар сарын 24-ний ээлжит хуралдаанаар зудын эрсдэлийг бууруулах, өвөлжилт, хаваржилтын нөхцөл байдал хүндрэхээс урьдчилан сэргийлэх, аймаг, сумдад шаардлагатай дэмжлэг туслалцааг үзүүлэхээр шийдвэрлэжээ.
Энэ шийдвэрийн дагуу улсын нөөцийн газраас өвс, тэжээлийг 14 суманд хүлээлгэн өгч одоогийн байдлаар 13 суманд 134.6 тонн өвс, 127,3 тонн тэжээлийг малчдад үнэгүй тараагаад байгаа юм. Өнгөрсөн өвөл говийн нийт нутгаар цасгүй, агаарын температур дулаан байсан тул малчид отор нүүдэл хийлгүй нутагтаа өнөтэй өвөлжсөн байна.
Эх сурвалж: Монцамэ агентлаг
