“LB Platinum Line” ХХК-ийн төлөөллүүд “Хүнсний хувьсгал” мэргэжлийн холбоо болон “ЖДҮҮ Холбоо”-ны Удирдах зөвлөлийн гишүүдтэй уулзалт хийж, гадаадаас хууль ёсны ажиллах хүч зуучлах, хүний нөөцийн салбар дахь хамтын ажиллагааг өргөжүүлэх талаар мэдээлэл хүргэж, санал солилцлоо.
“LB Platinum Line” ХХК нь 2014 оноос хойш гадаад ажиллах хүчний хүний нөөцийн чиглэлээр үйл ажиллагаа явуулж байгаа бөгөөд хүнсний болон хөдөө аж ахуйн салбарт шаардлагатай мэргэжлийн болон туслах ажилтнуудыг Бүгд Найрамдах Бангладеш Ард Улс, Филиппин, Непал зэрэг улсуудаас зуучлан ажиллуулах боломжийн талаар мэдээлэл өгсөн юм.
Уулзалтын үеэр улирлын чанартай ажиллах хүчний хомсдол, тогтвортой боловсон хүчний хэрэгцээ нэмэгдэж буй талаар ярилцаж, гадаад ажиллах хүчийг хууль, журмын хүрээнд зөв зохион байгуулалттай ашиглах нь үйлдвэрлэлийн тасралтгүй ажиллагаа, бүтээмжид эерэг нөлөө үзүүлэх боломжтойг онцоллоо.
Энэхүү мэдээлэл нь “Хүнсний хувьсгал” үндэсний хөдөлгөөний хүрээнд дотоодын хүнсний үйлдвэрлэлийг нэмэгдүүлэх, салбарын тогтвортой хөгжлийг дэмжихэд чухал ач холбогдолтой юм.
