Давсны илүүдэл хэрэглээ нь цусны даралт ихсэх, яс сийрэгжих болон зүрхний шигдээс, тархины цус харвалт, ходоодны хавдар зэрэг өвчний анхдагч эрсдэлт хүчин зүйл болж, олон сая хүнийг эрт нас барахад хүргэж байна.

Давсны хоногийн хэрэглээг 5 грамм хүртэл багасгахад тархины цус харвалтыг 24 хувь, зүрх судасны өвчнийг 18 хувиар бууруулж, жилдээ бүс нутгийн хэмжээнд 600 мянга, дэлхийн хэмжээнд 2.5 сая хүнийг дээрх өвчнөөс үүдэлтэй нас баралтаас сэргийлэх боломжтойг Дэлхийн эрүүл мэндийн байгууллага (цаашид “ДЭМБ” гэх)-аас тогтоосон байна.

Давс их хэрэглэх нь:
-Цусны даралт ихсэх
-Тархинд цус харвах
-Зүрх судасны өвчин
-Яс сийрэгжих өвчин эмгэг үүсгэх эрсдэлтэй.

Тиймээс давсны хэрэглээг бууруулахдаа дараах аргуудыг хэрэглэж болох юм.

• Цайгаа давсгүй ууж сурах/буцалсан ус, жимсний жүүс түлхүү хэрэглэх/
• Дуртай хоолныхоо давсыг аажмаар багасгах
• Хоолоо цагаан гаа, яншуй, сонгино, сармис, чинжүү, нимбэг зэрэг давс орлуулагчаар амтлах
• Давс болон давсалсан сүмсийг ширээн дээрээ тавихгүй байж, давс нэмж хэрэглэхгүй байх дадалд сурах
• Хүнсний бүтээгдэхүүний шошгыг сайтар уншиж давс багатайг сонгох

Эдгээрийг дагаж мөрдсөнөөр давсны хэрэглээг багасгаж, дээрх эмгэгээс сэргийлж чадна.