Өнгөрсөн оны жилийн эцсийн мал тооллогоор Дорнод аймгийн 6527 малчин өрх 2.7 сая орчим толгой мал тоолуулжээ. Нийт мал сүргийн 52 хувь буюу 1,415,874 толгой нь эдийн засгийн эргэлтэд оруулах боломжтой эр мал байгаа нь малын гаралтай бүтээгдэхүүний үйлдвэрлэл, зах зээлийн нийлүүлэлтийг нэмэгдүүлэх нөөц боломж өндөр байгааг илтгэж байна.
Өнөөдрийн байдлаар аймгийн хэмжээнд эдийн засгийн эргэлтэд оруулах боломжтой малын 9 хувь буюу 132 мянга гаруй толгой малыг зах зээлд борлуулаад байна. Үүнээс 177 толгой тэмээ, 15,084 толгой адуу, 8,164 толгой үхэр, 54,260 толгой хонь, 54,682 толгой ямаа эзэлж байна. Тодруулбал, энэ оны нэгдүгээр сард 18 мянга гаруй, хоёрдугаар сард 40 мянга, гуравдугаар сард мөн 40 мянга, дөрөвдүгээр сард 25 мянга, тавдугаар сард 8 мянга гаруй толгой малыг зах зээлд нийлүүлжээ.
Аймгийн хэмжээнд оны эхэнд 1.2 сая толгой хээлтэгч мал тоолуулснаас төллөвөл зохих 1.1 сая толгой малын 836 мянга гаруй нь төллөж, төлийн бойжилт 99.4 хувьтай байна.
Эх сурвалж: Монцамэ агентлаг
