Засгийн газрын ээлжит өнөөдрийн хуралдаанаар Хүнс, хөдөө аж ахуй, хөнгөн үйлдвэрийн яамнаас санаачлан өргөн барьсан “Тогтоол, тогтоолын хавсралтад нэмэлт, өөрчлөлт оруулах тухай” Засгийн газрын тогтоолын төслийг хэлэлцэн баталжээ.
“Жагсаалт, журам батлах тухай” Засгийн газрын 2003 оны долоодугаар сарын 15-ны өдрийн 173 дугаар тогтоолын 1 дүгээр хавсралтад нэмэлт оруулснаар Баян-Өлгий аймгийн Өлгий, Говь-Алтай аймгийн Бургастай, Дорнод аймгийн Баянхошуу, Ульхан, Хавирга, Дорноговь аймгийн Ханги, Завхан аймгийн Арцсуурь, Өмнөговь аймгийн Гашуунсухайт, Шивээхүрэн, Сүхбаатар аймгийн Бичигт боомтоор ургамал, ургамлын гаралтай бүтээгдэхүүн, зохицуулалттай эд, материалыг экспортлох боломжтой боллоо.
ХХААХҮЯ манай улсаас БНХАУ-руу улаанбуудайн гурил, улаанбуудай, селимарины үр, рапс, арвай, хивэг, байгалийн хадлан өвс зэрэг нийт долоон төрлийнургамал, тэдгээрийн гаралтай түүхий эд, бүтээгдэхүүнийг экспортолжээ. Тодруулбал, экспортлогч 106 аж ахуйн нэгж Хятадруу 2024 онд нийт 88216 тонн, 2025 онд 93594 тонн ургамал, ургамлын гаралтай бүтээгдэхүүнийг экспортолсон байна.
Салбарын экспорт 2025 онд 846.1 сая ам.доллар болж нийт экспортын орлогын 5.4 хувийг, импорт 2.8 тэрбум ам.доллар буюу нийт импортын 25.0 хувийг тус тус эзэлж байна. Салбарын экспортыг барааны бүлгээр ангилан өмнөх онтой харьцуулан үзэхэд мал, амьтан, тэдгээрээс гаралтай бүтээгдэхүүний экспорт 26.6 хувиар өссөн бол ургамал, ургамлын гаралтай бүтээгдэхүүний экспорт 9.4 хувиар буурчээ.
Эх сурвалж: Монцамэ агентлаг
[5812]G088 – Đăng nhập tải app và chơi game nổ hũ đổi thưởng,Truy cập g088 để đăng nhập và tải app nhanh chóng. Trải nghiệm game nổ hũ đổi thưởng hấp dẫn và tìm hiểu cách nạp tiền qua Momo đơn giản. Chơi ngay hôm nay! visit: g088
Super impressed with the bonuses offered on this site. It really gives you a head start. I’m really enjoying my time on bet5777login.