Архангай аймгийн ИТХ, аймгийн Гэмт хэргээс урьдчилан сэргийлэх ажлыг зохицуулах салбар зөвлөл, “Малчдын холбоо” ТББ-тай хамтран “Мал аж ахуйн салбарын эрсдэлийг бууруулах, тулгамдсан асуудлыг шийдвэрлэх арга зам” нэгдсэн зөвлөгөөн, хэлэлцүүлгийг энэ сарын 12-ны өдөр зохион байгууллаа.
Энэ үеэр нүүдлийн мал аж ахуйн уламжлал ба орчин үеийн чиг хандлага, уур амьсгалын өөрчлөлт болон бэлчээрийн доройтлын асуудал, түүний хариу арга хэмжээ, мал эмнэлгийн салбарын тулгамдсан асуудлууд болон шийдэл, малын хулгайн гэмт хэрэгтэй тэмцэх арга зам, малчдын орлого, бизнесийн шинэ боломж, нийгмийн асуудлын хүрээнд мэдээлэл солилцож, санал, хүсэлтээ илэрхийлжээ.
Аймгийн ИТХ-аас энэ оны эхний хагас жилд сумдыг бүсчлэн малчдын зөвлөгөөн зохион байгуулжээ. Уг зөвлөгөөний үеэр Архангай аймгийн хөгжлийн гол тулгуур салбар болох хөдөө аж ахуйн үйлдвэрлэлийг нэмэгдүүлэх, малчдын нийгмийн асуудлыг шийдвэрлэх, бэлчээрийн менежментийг сайжруулах, малын хулгайн гэмт хэргээс урьдчилан сэргийлэх, хууль тогтоомжид нэмэлт, өөрчлөлт оруулах зэрэг олон санал, санаачилга гарсан байна.
Энэ удаагийн малчдын зөвлөгөөнд оролцогчид монгол ахуй, нүүдлийн мал аж ахуйн уламжлалт үүлдэр, угсааг хадгалж хамгаалах, эрлийзжүүлэлтийг хязгаарлан цэвэр үүлдэр угсааг үржүүлэх, малын эрүүл мэндийн үйлчилгээний чанарыг сайжруулах талаар санал солилцжээ. Түүнчлэн үндэсний үйлдвэрүүдэд малаас гарах түүхий эд болох арьс, шир, нэхий, ноосыг тогтвортой нийлүүлэх боломж, авто замын хөдөлгөөнд мал мөргүүлэх ослоос урьдчилан сэргийлэх арга хэмжээ, малчдыг тэжээл тариалах үйл ажиллагаанд дэмжлэг үзүүлэх, хөнгөлөлттэй зээлээр техник, тоног төхөөрөмжөөр хангах, вакцины чанар, хяналт, шинжилгээг сайжруулах зэрэг олон асуудлыг хөндсөн байна.
Хэлэлцүүлгийн төгсгөлд уриалга гаргаж, холбогдох санал, хүсэлтийг шийдвэрлүүлэхээр шат шатны байгууллагад хүргүүлэхээр болсон байна. Цаашид аймгийн хөгжлийн гол тулгуур болсон хөдөө аж ахуйн салбарыг хөгжүүлэхэд төрийн байгууллага болон мэргэжлийн хүмүүсийн саналыг сонсож, хамтран ажиллах нь илүү үр дүнтэй болохыг аймгийн ИТХ-ын дарга онцолжээ.
Эх сурвалж: Монцамэ агентлаг
Blackjack strategy is fascinating – understanding the ‘why’ behind each decision really elevates the game! I appreciated how ABC8 emphasizes learning, especially with secure account setup. Checking out abc8 slot might be a good way to practice those fundamentals in a safe environment, too!